ئێزديخان نيوز:
كۆمسيۆنا مافێ مرۆڤى يا عيراقى،دوهى رۆژا چارشه‌مبوويێ،داخوازكر ئه‌وا ب سه‌رێ كێمينه‌يان ل مووسلێ هاتى كۆمكوژييه‌كا بكۆمه و تاوانه ل دژى مرۆڤايه‌تيێ،ته‌كه‌ز كرژى كو يا پێدڤيه ياسايه‌ك بۆ پاراستنا كێمينه‌يان بێته رێكسختن،هه‌روه‌سا داخواز ژ مه‌رجه‌عێن دينى يێن شيعى و سنى كر فه‌توايا حه‌رامكرنا كوشتنا پێكهاته‌يێن نه بوسلمان ده‌ربێخت.
ئاژانسا ئه‌لمه‌دا بريس راگه‌هاند،دكۆنگره‌يێ ده‌ولى يێ مافێ كێمينه‌يێن ئايينى و پاراستنا وان ل عيراقێ ئه‌وێ ل ئاڤاهيێ په‌رله‌مانى هاتيه گێران،( ئه‌سمارئه‌لشترى) ئه‌نداما كۆمسيۆنا مافێ مرۆڤى دپه‌يڤه‌كێ دا دڤى كۆنگره‌يى دا گۆت:چه‌كدارێن رێكخراوا داعش يا تيرۆرستى كۆمكوژيێن ب كۆم ل دژى ئێزديان ئه‌نجام داينه و زه‌لامێن ئێزدى كوشتينه و ژنێن ئێزديان ره‌ڤاندينه.
ئه‌لشترى ئه‌و چه‌نده ژى دياركريه كو ئه‌وا ب سه‌رێ ئيزديان ل شنگالێ هاتى كۆمكوژييه‌كا بكۆمه،هه‌روه‌سا يا ل دژى مه‌سيحييان ژى هاتيه كرن تاوانه‌كه ل دژى مرۆڤايه‌تيێ،له‌وا يا پێدڤيه ياسايه‌ك بۆ پاراستنا كێمينه‌يان بێته رێكسختن.
ئه‌نداما كۆمسيۆنا مافێ مرۆڤى داخواز ژ مه‌رجه‌عێن ئايينى يێن شيعى و سنى كر فه‌توايا حه‌رامكرنا كوشتنا پێكهاته‌يێن نه بوسلمان ده‌ربێخن.
