كێمينه‌يێن ئاينى قوربانيێن ململانێن عيراقێ و سوريا نه
ئێزديخان نيوز:
په‌يڤدارێ فه‌رميێ ئه‌نجومه‌نێ ئێزديێن سوريا ئاشكه‌راكر،ئه‌ڤ ململانێن ل عيراقێ و سوريا روودده‌ن كێمينه‌يێن ئايينى قوربانيێن وانن و يێ باجێ دده‌ن.
سرحان عيسى،په‌يڤدارێ فه‌رميێ ئه‌نجومه‌نێ ئێزديێن سوريا بۆ مالپه‌رێ ئێزديخان نيوز گۆت:كێمينه‌يێن ئايينى و ب تايبه‌ت ئێزدى يێن بووينه قوربانيێن وان ململانێن ل عيراقێ و سوريا روودده‌ن و يێ باجێ ژى دده‌ن و ب شێوه‌يه‌كى مه‌زن ئێزدى يێ ژلايێ سياسى ڤه و ئازارێن وان يێ دئێنه ئستغلالكرن.
عيسى ئه‌و چه‌نده ژى رۆنكر،ب هه‌زاران ئێزدى هێشتا يێ دكه‌مپان دانه و به‌رنگارى چاره‌نفيسه‌كى نه‌ديار بووينه.
سه‌باره‌ت په‌نابه‌رێن ئێزدى يێن كۆچكرينه ئه‌لمانيا،په‌يڤدارێ فه‌رميێ ئه‌نجومه‌نێ ئێزديێن سوريا گۆت:حكومه‌تا ئه‌لمانى ب شێوه‌يه‌كى گشتى گرنگيێ بێ جوداهى ب په‌نابه‌ران دده‌ت،لێ بارا بتر بۆ پێكهاته‌يێن ئاينى وه‌كى ئێزديان و مه‌سيحييان،ژبه‌ركو ئه‌و تووشى كۆمكوژيێن بكۆم بووينه ل سه‌ر ده‌ستێ رێكخراوێن تيرۆرستى.
