به‌رپرسێ ئێكه‌تيا قوتابيێن كوردستانێ ل شنگالێ ئاشكه‌راكر كونه‌بوونا قوتابخانێن ئه‌لتاخى بۆ 4 هه‌زار قوتابيێن شنگالێ بوويه ئاريشه و مه داخوازكريه چاره‌يه‌ك بۆ ڤان قوتابيان بێته ديتن و هه‌موو ده‌رگه‌ه ژى مه قوتاينه و بێ مفا بووينه.
ريزا ئه‌مين، به‌رپرسێ ئێكه‌تيا قوتابيێن كوردستانێ ل شنگالێ بۆ مالپه‌رێ ئێزديخان نيوز دياركر،قوتابيێن خواندنا ئه‌ره‌بى سالانه ئاريشێن وان دمه‌زنن و دبنه قوربانيا مالا خۆ و ب ڤێ چه‌ندێ غه‌در ل وان دئێته كرن و نهۆ نه‌بوونا قوتابخانێن ئه‌لتاخى بۆ 4 هه‌زار قوتابيێن شنگالێ بوويه ئاريشه و مه داخوازكريه چاره‌يه‌ك بۆ ڤان قوتابيان بێته ديتن.
ناڤبرى ئاماژه‌كر ژى ئيرۆ ب سه‌دان قوتابيێن خواندنا كوردى يێن شنگالێ لسه‌ر خواندنا خۆ دبه‌رده‌وامن و چ ئاريشه نينن و دێ ل زانكۆ و په‌يمانگه‌هێن هه‌رێما كوردستانێ ئێنه وه‌رگرتن.
