ساخله‌ميا دهۆكێ سوپاسيا جڤاتا رۆحانى و گه‌نجێن ئێزديان دكه‌ت

ئێزديخان نيوز:

ب چاڤدێرييا سه‌رۆكێ ده‌سته‌يا بلندا بنگه‌هێ لالش ل دهۆكێ،نڤيسينگه‌ها لالش ل دهۆك ب هه‌ڤكارى دگه‌ل رێكخراوا داك بۆ گه‌شه‌پێدانا ژنا ئێزدى،سميناره‌ك بۆ(د.نزارته‌يب)رێڤه‌به‌رێ گشتيێ ساخله‌ميا دهۆكێ لژێر ناڤێ(كێشه‌يێن ده‌روونى و ساخله‌مى يێن ژ ده‌ستێ داعش) سازدا. 

دڤێ سمينارێ دا د.نزار ته‌يب رێڤه‌به‌رێ گشتيێ ساخله‌ميا دهۆكێ بال كشانده‌ سه‌ر چه‌ند بابه‌تێن گرێدايى ب چاره‌سه‌رييا ده‌روونى يا كچێن رزگاربوويێن ئێزدى ڤه‌ و گۆت پشتى شه‌ش هه‌يڤان ژچاره‌سه‌ريا وان دڤێت دووڤچۆنا ره‌وشا وان بێته‌ كرن. 

 رێڤه‌به‌رێ گشتيێ ساخله‌ميا دهۆكێ گۆتژى سوپاسيا جڤاتا رۆحانيا ئێزديان بۆ پێشوازيكرن و قه‌بوولكرنا وان كچێن رزگاربووى و وان گه‌نجێن دگه‌ل ڤان كچان ژيانا هه‌ڤژينيێ پێك دئينن دكه‌م و دخوازم ل كه‌نالێن راگه‌هاندنێ به‌حسا ڤان كچان نه‌ئێته‌ كرن كو تووشى نه‌خۆشيان بن.

 ب ئاماده‌بوونا ژماره‌يه‌كا كه‌سايه‌تى و ره‌وشه‌نبير و  چالاكڤان و مامۆستا و كچێن ئێزديان ئه‌ڤ سميناره‌ ئيرۆ رێككه‌فتى(12/9/2015) و ل ده‌مژمێر چارى ئێڤارى ل هۆلا بنگه‌هێ لالش هاته‌ سازدان،ل دووماهيا وێ ژى ده‌رگه‌هێ دانوستاندنێ دناڤبه‌را ئاماده‌بوويان و رێڤه‌به‌رێ گشتيێ ساخله‌ميا دهۆكێ دا هاته‌ ڤه‌كرن.