التخطي إلى المحتوى الرئيسي
بحث هذه المدونة الإلكترونية
بنگه‌هێ لالش پشته‌ڤانيێ ل جڤاتا بلندا ئێزديان دكه‌ت
ئێزديخان نيوز:
شێخ شامۆ،سه‌رۆكێ ده‌سته‌يا بلندا بنگه‌هێ لالش ل دهۆكێ راگه‌هاند،بنگه‌ه دێ پشته‌ڤانيێ ل جڤاتا بلندا ئێزديان كه‌تن،ب مه‌رجه‌كى رازيبوونه‌كا جڤاكى و جوگرافى تێدا هه‌بت.
جه‌عفه‌ر سمۆ،به‌رپرسێ راگه‌هاندنا بنگه‌هێ لالش بۆ ئێزديخان نيوز دياركر،ل رێككه‌فتى (5/9/2015)ده‌سته‌يا بلندا بنگه‌هێ لالش كۆمبوونه‌ك ئه‌نجام دا و تێدا چه‌ند بابه‌ت به‌حسكرن ژوانا ژى پرۆژێ دانانا جڤاتا بلندا ئێزديان كو شێخ شامۆ ئه‌ڤ پرۆژه ئێخسته به‌رده‌م ئه‌ندامێن ده‌سته‌يا بلند و پشتى گه‌نگه‌شه لسه‌ر هاتيه كرن بريار هاته دان بنگه‌ه پشته‌ڤانيێ ل ڤێ جڤاتێ بكه‌تن،لێ رازيبوونه‌كا جڤاكى و جوگرافى تێدا هه‌بت.
به‌رپرسێ راگه‌هاندنا بنگه‌هێ لالش ئاماژه كر،هه‌ر دڤێ كۆمبوونێ دا چه‌ند بابه‌تێن دى يێن گرێداى ب رزگاركرنا كچ و ژنێن ئێزديان و پرسا ڤه‌گۆهاستنا قوتابيێن ئێزدى و ساخكرنا كاره‌ساتان ڤه هاتنه به‌حسكرن و گه‌نگه‌شه‌كرن.
شێخ شامۆ،سه‌رۆكێ ده‌سته‌يا بلندا بنگه‌هێ لالش ل دهۆكێ راگه‌هاند،بنگه‌ه دێ پشته‌ڤانيێ ل جڤاتا بلندا ئێزديان كه‌تن،ب مه‌رجه‌كى رازيبوونه‌كا جڤاكى و جوگرافى تێدا هه‌بت. 
