ل چيايێ زاوا فلمه‌كى سينه‌مايى ل سه‌ر كاره‌ساتا شنگالێ هاته چێكرن
ئێزديخان نيوز:
ب ئاماده‌بوونا عه‌لى عه‌ونى ئه‌ندامێ جڤاتا سه‌ركردايه‌تيا پارتى و به‌رپرسێ لقێ 20شێخان و په‌رله‌مانتارێن هه‌رێمێ و ژماره‌كا زۆرا رێڤه‌به‌ر و فه‌رمانبه‌رێن دام و ده‌زگه‌هێن ميرى و حزبى و له‌شكه‌رى و خه‌لكى،رێورسمێن ئێكه‌م رۆژا ده‌ست پێكرنا فلمێ سينه‌مايى يێ ل چيايێ زاوا ل سه‌ر كاره‌ساتا شنگالێ هاتيه چێكرن ب رێڤه‌چۆن.
لقێ بيستێ شێخان يێ پارتى ديموكراتى كوردستان راگه‌هاند،ئيرۆ ل رێككه‌فتى29/9/2015 ب ئاماده‌بوونا عه‌لى عه‌ونى ئه‌ندامێ جڤاتا سه‌ركردايه‌تيا پارتى و به‌رپرسێ لقێ 20شێخان ،رێورسمێن ئێكه‌م رۆژا ده‌ست پێكرنا فلمێ سينه‌مايى يێ ل چيايێ زاوا ل سه‌ر كاره‌ساتا شنگالێ هاتيه چێكرن ب رێڤه‌چۆن و تێدا رۆل و قاره‌مانيا هێزێن پێشمه‌رگه‌يێن كوردستانێ تێدا هاتيه دياركرن.
ل رێورسمێن ده‌ستپێكرنا فلمى،عه‌لى عه‌ونى به‌رپرسێ لقێ 20شێخان په‌يڤه‌ك پێشكێشكر و ده‌ست خۆشى ل هه‌موو رێكخه‌رێن فلمى كر و هيڤيا سه‌ركه‌فتنێ و به‌رده‌وام بوونێ بۆ خواست و ب كاره‌ك باش ل قه‌له‌م دا و هه‌لسه‌نگاند.
