فه‌رمانده‌يا شنگال يا له‌شكه‌رى ل رێككه‌فتى(14/9/2015)ل باره‌گايێ سه‌ربازگه‌ها پلنگێن زێره‌ڤانى ل قه‌زا زاخۆ سميناره‌ك ل ژێر ناڤێ (ئێزدى و بزاڤا رزگاريخوازا كوردى )بۆ شێخ شامۆئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش ل دهۆكێ سازكر.
پشتى خۆله‌كه‌ك رێزگرتن بۆ گيانێ گشت جانگۆريێن بزاڤا رزگاريخوازا كورد و سه‌ر كاروانێ وان بارزانيێ نه‌مر و ئيدريسێ هه‌ميشه ساخ،ل ده‌ستپێكێ شێخ شامۆ پيرۆزبايێن گه‌رم ئاراسته‌ى وان پێشمه‌رگه‌يێن قاره‌مان كرن و خۆشحاليا خۆ ئانى زمان و گۆت وه پيرۆزبه خه‌لاتێ وه‌رگرتنا شه‌ره‌فا پێشمه‌رگايه‌تيێ و هون ژ هه‌ژى ڤى ناڤێ پيرۆز بوون،چنكو خۆراگرى و تێكۆشينا وه جهێ سه‌رفرازييا مه هه‌موويان بوو.
دڤێ سمينارێ دا شيخ شامۆ به‌حسێ چه‌ند قۆناغێن ئێزدى تێرا ده‌ربازبوووين كر،ئه‌و ژى قۆناغا به‌ريا شۆره‌شێن نه‌ته‌وه‌ى و ده‌ست پێكا سه‌د سالێن ده‌رباز بووى و قۆناغا پشتى شۆره‌شێن نه‌ته‌وه‌ى،ب تايبه‌ت ل سه‌ر ده‌مێ شۆره‌شا ئه‌يلولا مه‌زن و پاشى سه‌رده‌مێ شۆره‌شا گولانا پێشكه‌فتن خواز، هه‌روه‌سا قۆناغا پشتى سه‌رهه‌لدانا بوهارا 1991 و قۆناغا شه‌رێ ئازادكرنا عيراقێ و شۆره‌شا مادا 140 و قۆناغا داويێ قۆناغا دژوارا هێرشا هۆڤانه يا تيرۆرستێن داعش بوو بۆ سه‌ر هه‌رێما كوردستانێ و ب تايبه‌ت جينۆسايدكرنا شنگال و يا بسه‌رێ كوردێن ئێزدى هاتى ب درێژى هاته به‌حسكرن.
ژلايه‌كى ديڤه شێخ شامۆ رۆناهى دا سه‌ر قۆناغا نهۆ يا هه‌ستيارا كوردستان تێرا ده‌رباز دبت و پاشه‌رۆژا كوردستانێ و روودانێن ب له‌زين ل ده‌ڤه‌رێ ب گشتى و ئه‌رك وئارمانجێن مه كوردێن ئێزدى ب تير و ته‌سه‌ل به‌حسكرن،هه‌روه‌سا ل به‌رامبه‌ر وێ يه‌كێ ژى كا چ ژ سه‌ركردايه‌تيا كوردستانى تێ خوه‌ستن شێخ شامۆ دياركر،راسته ل ڤى سه‌رده‌مى نه‌خۆشترين كاره‌سات ب سه‌رێ مه ئێزديان هاتيه و هێشتا خه‌لكێ مه ئێخسير مايه دده‌ستێ وان كافران دا و خه‌لكێ مه دژيانه‌كا سه‌خت و دژوار دا دژيت به‌لێ ئه‌گه‌ر ئه‌م ئێزدى مسيبه‌تێ خۆ ئه‌رزان نه‌كن و چ رێيێن شاش و ژ ده‌رڤه يێ چارچۆڤه‌يێ كوردستانێ گاڤا خۆ نه‌هاڤێژن ئه‌م پشت راستن يا ممكن به و ژبۆ مه بێته كرن،چنكو مافێ مه‌يه و مه باوه‌رييه‌كا موكم ب مالا بارزان هه‌يه و چيرۆك و هه‌لويستێ ڤێ مالباتا جوامێر ب كوردێن ئێزدى ره پرن.
شێخ شامۆ هه‌روه‌سا هنده‌ك ژ هه‌لويستێن مێژوويى ژوان پێشمه‌رگه‌هانره شرۆڤه‌كرن و گۆت:ل سه‌رده‌مێن به‌رى و تا نهۆ ژى بتنێ يێ شه‌ر لسه‌ر مافێ مه دكه سه‌رۆك بارزانى يه و مێژوو شاهده ل سه‌ر ڤێ يه‌كێ،ل ڤێ قۆناغێ كا چاوا سه‌رۆك بارزانى هه‌لگرێ خه‌م و ژانێت مه ئێزديايه و يا ممكن به سۆز لسه‌ر روحا خۆ دايه بۆتۆلڤه‌كرنا ئێزديا ژ وان دوژمنا بكه،هه‌روه‌سا ئه‌م پشت راستين يێ ل مه خوه‌يى ده‌ركه‌فتى ل هه‌ر قۆناغه‌كێ ب تنێ سه‌رۆك بارزانى يه و ب هيمه‌تا وه ڤان پێشمه‌رگه‌يێن قاره‌مان شنگال وێ بێته رزگاركرن.
ل داويێ ژى شێخ شامۆ داخوازا سه‌ركه‌فتن و سلامه‌تيێ بۆ وان پێشمه‌رگه‌يان كر و ده‌ست خۆشى ل سه‌رپه‌رشتيار و رێڤه‌برێن فيرگه‌ها پلنگێن زێره‌ڤانى كر،ل به‌رامبه‌ر ژى هنده‌ك پێشمه‌رگه‌يێن قاره‌مان پرس و داخوازيێن خۆ ئاراسته‌ى وى كرن.
