ئێزديخان نيوز:
پشتى ڤيان ده‌خيل په‌رله‌مانتار ل په‌رله‌مانێ ل عيراقێ و وه‌ك نونه‌را ئێزديان ژ لايێ وه‌زيرێ ده‌رڤه‌يێ فه‌ره‌نسا بۆ كۆنگره‌يێ فه‌رنسا هاتيه داخوازكرن،ل تۆرێن كۆمه‌لايه‌تى ره‌نگڤه‌دان ل په‌ى سه‌ره‌دانا ڤيان ده‌خيل چێبووينه و ژبه‌ر ڤێ چه‌ندێ رۆنكرنه‌ك به‌لاڤكريه.
درۆنكرنه‌كێ دا بۆ رايا گشتى يا ئێزديان،ڤيان ده‌خيل راگه‌هانديه و دبێژت:بۆ به‌رهه‌ڤبوونێ دكۆنگره‌يێ فه‌ره‌نسا دا،وه‌زيرێ ده‌رڤه‌يێ فه‌ره‌نسا داخواز ژ من كر ئاماده بم وه‌ك په‌رله‌مانتار ل په‌رله‌مانێ ل عيراقێ و وه‌ك نونه‌را ئێزديان ژى من په‌يڤه‌ك دڤى كۆنگره‌يى دا پێشكێشكر و ته‌كه‌ز ل زه‌ره‌رمه‌ندێن عيراقى هه‌موويان و ئاواره‌يان و كۆچبه‌ران ب تايبه‌ت يێن ئێزدييان كر و من داخوازا پشته‌ڤانيێ بۆ وان كر.
ده‌خيل ئه‌و چه‌نده ژى رۆنكريه دڤى كۆنگره‌ى دا من ته‌كه‌ز ل چه‌ند خالان كر ئه‌و ژى رزگاركرنا سێ هه‌زار ره‌ڤاندييان هێشتا دده‌ستێ داعش دانه و هاريكاريكرنا رزگاربوويێن ژ ده‌ستێ داعش و دانا مافێ په‌نابه‌ريێ بۆ وان وه‌لاتيێن ئێزدى يێن گه‌هشتينه ئه‌وروپا،زێده‌بارى هاريكارييا مه بێته كرن بۆ ڤه‌گۆهاستنا هنده‌ك خيزان و كه‌سا بۆ وه‌لاتێن ئه‌وروپى ب تايبه‌ت قوربانيێن داعشێ،ديسان هاريكاريكرنا مه بۆ رزگاركرنا ده‌ڤه‌رێن مه و ئاڤه‌دانكرنا بێته كرن.
ده‌خيل دڤێ رۆنكرنێ دا گۆتيه ژى ل دۆر وێ رزگاربوويا دكۆنگره‌ى دا ئاماده‌بووى من چ رۆل و ئاگه‌ه ژ ئاماده‌بوونا وێ نينه،تنێ ئه‌و ب شێوه‌يه‌كى سه‌ربه‌خۆ هاتيه داخوازكرن،هه‌روه‌سا هه‌تا ئه‌وا گۆتى ژى من ئاگه‌ه ژێ نينه ده‌مێ ديدارا وێ دگه‌ل سه‌رۆكێ فه‌ره‌نسى و وى ده‌مى ئه‌ز نه‌يا ل وێده‌رێ بووم.
پشتى ڤيان ده‌خيل په‌رله‌مانتار ل په‌رله‌مانێ ل عيراقێ و وه‌ك نونه‌را ئێزديان ژ لايێ وه‌زيرێ ده‌رڤه‌يێ فه‌ره‌نسا بۆ كۆنگره‌يێ فه‌رنسا هاتيه داخوازكرن،ل تۆرێن كۆمه‌لايه‌تى ره‌نگڤه‌دان ل په‌ى سه‌ره‌دانا ڤيان ده‌خيل چێبووينه و ژبه‌ر ڤێ چه‌ندێ رۆنكرنه‌ك به‌لاڤكريه. 
