كاره‌با نشتيمانى دێ گه‌هته‌ ناحيا سنوونێ

ئێزديخان نيوز:

 ژ وێستگه‌ها دروستكرنا كاره‌بێ ل ده‌ڤه‌را عوينات،چه‌ند هێلێن نوو يێن كاره‌بێ ب هه‌ردوو وێستگه‌هێن سنوونێ و يا ل كۆمه‌لگه‌ها زۆرئاڤا ڤه‌ دئێنه‌ گرێدان و كار ژى بۆ گه‌هاندنا كاره‌با نشتيمانى بۆ ناحيا سنوونێ يێ دئێته‌ كرن.

ئلياس خدر، سه‌رۆكێ جڤاتا ناحيا سنوونێ راگه‌هاند،ب ياوه‌رييا ئه‌ندازيار لهيب ئه‌لياس و به‌رپرسێ هۆبا كاره‌با سنوونێ و ژبۆ هه‌ماهه‌نگيێ و كارى بۆ گه‌هاندنا كاره‌بێ بۆ ناحيێ،دوهى 14/9/2015ێ مه‌ سه‌ره‌دانا وێستگه‌ها دروستكرنا كاره‌بێ ل ده‌ڤه‌را عوينات كر بۆ گرێدانا چه‌ند هێلێن نوو يێن كاره‌بێ ژ وێسته‌گه‌ها ناڤبرى  ب هه‌ردوو وێستگه‌هێن سنوونێ و يا ل كۆمه‌لگه‌ها زۆرئاڤا ڤه‌. 

سه‌رۆكێ جڤاتا ناحيا سنوونێ ئه‌و چه‌نده‌ ژى راگه‌هاندييه‌،ب هه‌موو شيانان دێ كاركه‌ين هه‌تا خزمه‌تكارييان ب زووترين ده‌م بگه‌هينه‌ ناحيێ.