سه‌باره‌ت رزگاركرنا 4 هه‌زار ئێزديان وه‌زيره‌كى هه‌رێمێ ئه‌ڤ داخوازييه‌ كريه‌

ئێزديخان نيوز:

دكۆنگرێ جيهانى يێ سه‌ركرده‌يێن ئاينان ل جيهانێ دا،وه‌زيرێ ئه‌وقاف و كاروبارێن ئايينى يێ حكومه‌تا هه‌رێما كوردستانێ  داخواز ژ سه‌ركرده‌يێن ئاينان كر فشارێ ل جڤاكێ نێڤ ده‌وله‌تى بكه‌ن بۆ رزگاركرنا چار هه‌زار ئێزديان ژ ده‌ستێن تيرۆرستێن داعشێ.  

ب پشكدارييا شانده‌كى وه‌زاره‌تا ئه‌وقافا هه‌رێما كوردستانێ،رێكخراوا سانتيجيديو كۆنگرێ جيهانى يێ سه‌ركرده‌يێن ئاينان ل جيهانێ ل تيرانا پايته‌ختێ وه‌لاتێ ئه‌لبانيا رێكخست.

 خێرى بۆزانى،رێڤه‌به‌رێ گشتيێ كاروبارێن ئێزديان راگه‌هاند،دڤى كۆنگره‌ى دا وه‌زيرێ ئه‌وقاف و كاروبارێن ئايينى يێ حكومه‌تا هه‌رێما كوردستانێ  داخواز ژ سه‌ركرده‌يێن ئاينان كر فشارێ ل جڤاكێ نێڤ ده‌وله‌تى بكه‌ن بۆ رزگاركرنا چار هه‌زار ئێزديان ژ ده‌ستێن تيرۆرستێن داعشێ. 

بۆزانى گۆتژى شاندێ وه‌زاره‌تا ئه‌وقافا هه‌رێما كوردستانێ ژ كه‌مال مسلم وه‌زيرێ ئه‌وقافێ و خێرى بۆزانى رێڤه‌به‌رێ گشتيێ كاروبارێن ئێزديان و خالد جمال ئه‌لبير رێڤه‌به‌رێ گشتيێ كاروبارێن مه‌سيحييان و مه‌روان نقشبه‌ندى رێڤه‌به‌رێ په‌يوه‌نديێن وه‌زاره‌تێ و نه‌وزاد رێڤه‌به‌رێ نڤيسينگه‌ها وه‌زيرى يێ پێكهاتبوو.