ئێزديخان نيوز:
ل په‌رستگه‌ها پيرۆزا لالش رونشتنه‌كا ڤه‌كرى ده‌رباره‌ى ره‌وشا ئێزديان يا نهۆ تێدا ده‌رباز دبن ب رێڤه‌چۆ و چه‌ند بريار ژى هاتنه دان و بۆ جڤاتا رۆحانيا ئێزديان و حكومه‌تا هه‌رێمێ و ناڤه‌ندى دێ ئێنه بلندكرن.
لسه‌ر ده‌ست پێشخه‌رييا چه‌ند چالاكڤانێن ئێزدى،چه‌ند كه‌سايه‌تيێن ئێزدى يێن دينى و سياسى و ره‌وشه‌نبيرى و ئه‌كاديمى و راگه‌هاندكار و ياسايى،زێده‌بارى چه‌ند چالاكڤانێن رێكخراوێن جڤاكێ مه‌ده‌نى،دوهى 5/8 رونشته‌نه‌كا ڤه‌كرى ل دۆر كێشه‌يێن گرێدايى ب كاروبارێن ئێزديان ڤه ل په‌رستگه‌ها لالش ئه‌نجام دان.
ل گۆر چالاكڤانێن ئێزدى راگه‌هاندينه،لژێر دروشمێ به‌ره‌ڤ رێكخستنا كارێ پێكڤه بۆ كاروبارێن ئێزديان، دوهى ل په‌رستگه‌ها لالش ب ئاماده‌بوونا چه‌ند كه‌سايه‌تيێن ئێزدى رونشتنه‌كا ڤه‌كرى يا گرێدايى ب كيشه‌يێن ئێزديان ڤه ب رێڤه‌چۆ و كۆمه‌كا كێشه‌يێن چاره‌نڤيسى يێن ب پاشه‌رۆژا ئێزديان ڤه هاتنه گه‌نگه‌شه‌كرن و ژوان خالێن هاتينه به‌حسكرن كێشا گرتييان و كۆچكرن و پێكئينانا جڤاتا ئێزديان يا بلند بوو.
هه‌روه‌سا ل داوييا ڤێ رونشتنێ بريار ل سه‌ر چه‌ند راسپاردا پشتى ژبال ئاماده‌بوويان ڤه هاتينه گه‌نگه‌شه‌كرن هاته دان،كوبۆ جڤاتا رۆحانيا ئێزديان و حكومه‌تا هه‌رێمێ و ناڤه‌ندى دێ ئێنه بلندكرن.
چالاكڤانێن ئێزدى راگه‌هاندينه ژى كو چاڤه‌رێيه ل نێزيك رونشتنه‌كا دى ژى بێته گرێدان،ژبۆ گه‌نگه‌شه‌كرنێ ل سه‌ر بجهئينانا وان راسپاردان يين ل رونشتنا ئێكێ بريار ل سه‌ر هاتيه دان.
