به‌رهه‌مێ پرۆژه‌يه‌كى چاندنێ دێ بۆ هاريكاريكرنا ئاواره‌يێن بێكار بتن

ئێزديخان نيوز:

ل پرۆژه‌يێ چاندنا خيارا يێ كو دبته‌ ئێكه‌م پرۆژه‌ لسه‌ر ئاستێ هه‌رێما كوردستانێ ئه‌وێ ژلايێ بنگه‌هێ لالش تايێ خانكێ لگه‌ل رێكخراوا خاچا سۆر ڤه‌ هاتيه‌ ڤه‌كرن،رۆژانه‌ 30كريكارێن ئاواره‌يێن شنگالێ لێ كاردكه‌ن وبه‌رهه‌مێ وى دێ بۆ ئاواره‌يان زڤرت.

گه‌را ئێكێ يا ڤى پرۆژه‌ى ب دووماهى هاتيه‌ و ده‌ست ب گه‌را دوويێ يا هاتيه‌ كرن و تا نهۆ يێ به‌رده‌وامه‌ و بتر ژ دوو هه‌زار كه‌سان تێدا كاركريه.

 عه‌نته‌ر كه‌لۆ، به‌رپرسێ بنگه‌هێ لالش ل خانكێ بۆ مالپه‌رێ ئێزديخان نيوز دياركر،پرۆژه‌يێ چاندنا خيارا ژلايێ بنگه‌هى و رێكخراوا خاچا سۆر ڤه‌ هاتيه‌ ڤه‌كرن و رۆژانه‌ 30كريكارێن ئاواره‌يێن شنگالێ لێ كاردكه‌ن و لبه‌رامبه‌ر كارى هه‌رێك 25000هه‌زار دينارا وه‌ردگرت و ئارمانج ژێ بتنێ نه‌هێلانا بێكاريێيه‌ و هاريكاريكرنا وان كه‌سانه‌ يێن لناڤ كاڤلان دا دژين و بێكارن و ژلايێ ده‌روونى ڤه‌ مفا ژێ وه‌رگرتينه.

 كه‌لۆ ئاماژه‌كر،ده‌ست ب گه‌را دوويێ يا ڤى پرۆژه‌ى هاتيه‌ كرن و به‌رهه‌مێ وى دێ بۆ ئاواره‌يان زڤرت.