ئێزديخان نيوز:
ل كۆمه‌لگه‌ها شاريا فه‌رمانا 74يا ب سه‌رێ كوردێن ئێزدى هاتى و ئێش و ئازارێن قوربانيێن كاره‌ساتا شنگالێ هاتنه نمايشكرن.
بنگه‌هێ لالش تايێ شاريا ب هه‌ماهه‌نگى دگه‌ل گرۆپێ نزبيب،دوهى 6/8/2015ێ شانۆگه‌رييه‌ك ب ناڤێ فه‌رمانا 74ب ئاماده‌بوونا ژماره‌يه‌كا ره‌وشنبير و كه‌سايه‌تى و ئاواره‌يێن شنگالێ و خه‌لكێ شاريا ل هۆلا لالش نمايشكر.
به‌رپه‌رسێ بنگه‌هێ لالش ل شاريا(جه‌لال له‌زگين) راگه‌هاند،دڤێ شانۆگه‌ريێ دا ژماره‌يه‌كا گه‌نجێن ئێزدى تێدا به‌شدارببوون و بابه‌تێ وێ ل سه‌ر ئێش و ئازارێن قوربانيێن كاره‌ساتا شنگالێ بوو،كو ژ نڤيسين و ده‌رهێنانا جه‌مال لالش بوون و پشتى شانۆگه‌ريێ چه‌ند هۆزان ل سه‌ر ڤێ كاره‌ساتێ هاتنه خوندن.
ناڤبرى ئه‌و چه‌نده راگه‌هاند، ئه‌ڤ شانۆگه‌رييه ل چه‌ند پارێزگه‌هێن هه‌رێمێ و عيراقێ هاتيه نمايشكرن.
