سويد و توركيا دێ پشته‌ڤانيێ پێشكێشى ئاواره‌يێن ئێزدى كه‌ن

ئێزديخان نيوز:

ئه‌نداما ئه‌نجومه‌نێ نونه‌رێن عيراقێ(ڤيان ده‌خيل)دديداره‌كێ دا دگه‌ل دوو به‌رپرسێن توركى و سويدى ل به‌غدايێ ره‌وشا ئاواره‌يێن ئێزدى و چاوانيا پشته‌ڤانيكرنا وان گه‌نگه‌شه‌كر.  

هه‌روه‌سا ڤيان ده‌خيل په‌رله‌مانتارا كوردا ئێزدى وئه‌نداما ئه‌نجومه‌نێ نونه‌رێن عيراقێ راگه‌هاند كو دديداره‌كێ دا دگه‌ل باليۆزێ توركى فاروق قمايقجى ره‌وشا ئاواره‌يێن ئێزدى ل كه‌مپێن توركيا گه‌نگه‌شه‌كر وداخوازا پێشكێشكرنا هاريكارييان بۆ وان كريه‌،ته‌كه‌زكريه‌ كو دڤێت ره‌وشا ڤان ئاواره‌يان يا باش بتن. 

ده‌خيل ئاشكه‌راكرژى كو ژبال خۆ ڤه‌ قمايقجى گۆت:توركيا ل دووڤ پێ چێبوونا خۆ دێ پشته‌ڤانيێ پێشكێشى هه‌موو ئاواره‌يێن عيراقى و سورى يێن دئاخا وێ دا دژين كه‌تن،ته‌كه‌زكر كو مه‌سه‌لا كۆچكرنێ و ده‌ربازبوون ژ سنورى يا گرێدايه‌ ب ياسايێن توركى و ده‌ولى ڤه. 

ئه‌نداما ئه‌نجومه‌نێ نونه‌رێن عيراقێ دياركريه‌ ژى كو دديداره‌كێ دا دگه‌ل سه‌رپه‌رشتيارێ كارێ سويدى(جيسيكا سڤار دستروم) ئه‌و يا رۆلێ سويدێ درێنت ژبۆ پشته‌ڤانيكرنا ئاواره‌يێن عيراقى و ژوانا يێن ئێزدى يێن كو دره‌وشه‌كا ب زه‌حمه‌ت دا دڤى وه‌رزێ هاڤينێ دا يێ دژين.

هه‌روه‌سا ڤێ به‌رپرسا سويدى ژى گۆت كو وه‌لاتێ وێ ل پێ هه‌موو شيانان يا هاريكاريا ئاواره‌يێن عيراقى دكه‌ت ب هه‌ڤكارى دگه‌ل حكومه‌تا ناڤه‌ندى ل به‌غدايێ و دێ ڤان داخوازييان ژى گه‌هينمه‌ وه‌لاتێ خۆ.