رێكخراوا چيايێ شنگالێ بۆ مافێ مرۆڤى هاته‌ دامه‌زراندن

ئێزديخان نيوز:

رێكخراوا چيايێ شنگالێ بۆ مافێ مرۆڤى هاته‌ دامه‌زراندن و دێ ده‌ست ب دكيۆمێنتكرنا تاوانێن ل دژى ئێزديان هاتينه‌ ئه‌نجام دان كه‌تن،هه‌روه‌سا دێ چاڤدێريا ئاواره‌يان ژى كه‌ت. 

فه‌لاح ره‌شۆكا،به‌رپرسێ راگه‌هاندنا رێكخراوا چيايێ شنگالێ بۆ مافێ مرۆڤى بۆ مالپه‌رێ ئێزديخان نيوز گۆت:پشتى شه‌ش هه‌يڤان مه‌ رازه‌مه‌ندييا فه‌رمى ل سه‌ر دامه‌زراندنا ڤێ رێكخراوێ ژ لايێ رێكخراوێن نه‌حكومى ل هه‌رێما كوردستانێ ب ده‌ست ڤه‌ ئينا. 

ره‌شۆكا زێده‌تر گۆت:كارێ ڤێ رێكخراوێ دێ دكيۆمێنتكرن و چاڤدێرييا وان تاوانێن ل دژى ئێزديان هاتينه‌ ئه‌نجام دان بتن،ديسان دێ چاڤدێرييا ره‌ڤاندييان ژى كه‌تن. 

به‌رپرسێ راگه‌هاندنا رێكخراوا ناڤبرى دياركر، هه‌ر ژ كارێ رێكخراوێ دێ چاڤدێرييا پێتڤيێن ئێزديێن شنگالێ و ئاواره‌يێن ژ كێمينه‌يێن ئاينى كه‌تن.