چه‌ند رێكخراوێن ته‌بشيرى يێن مه‌سيحى چالاكييان دناڤ كه‌مپان ل هه‌رێما كوردستانێ دا دكه‌ن،ئێش و ئازار و پێدڤيێن ئاواره‌يێن كوردێن ئێزدى ئستغلالكرينه و وان هان دده‌ن ئايينێ خۆ بهێلن و بێنه سه‌ر ئايينێ مه‌سيحييان.
ڤيان ده‌خيل،په‌رله‌مانتارا كوردا ئێزدى ل په‌رله‌مانێ عيراقێ راگه‌هاند،ب داخه‌وه نهۆ ئه‌م يێ ته‌ماشه دكه‌ين چه‌ند رێكخراوێن ته‌بشيرى يێن مهسيحىئێش و ئازار و پێدڤيێن ئاواره‌يێن كوردێن ئێزدى ل كه‌مپان ل هه‌رێما كوردستانێ ئستغلالكرينه و وان هان دده‌ن ئايينێ خۆ بهێلن و بێنه سه‌ر ئايينێ مه‌سيحييان،ئه‌ڤێن ته‌بشيرێ دكه‌ن و يێن ل پشت وان ژبيركرينه ئێزدى تووشى كوشتنێ بووينه وده‌ربه‌ده‌ربووينه و رازى نه‌بوون ئايينێ خۆ بهێلن.
ڤيان ده‌خيل دبه‌ياننامه‌يه‌كێ دا ته‌كه‌زكريه ژى داخوازێ ژ حكومه‌تا هه‌رێما كوردستانێ دكه‌ين ده‌ست تێوه‌ردانێ بكه‌ت بۆ سه‌كناندنا چالاكيێن ڤان رێكخراوان و هاتنا وان بۆ كه‌مپان قه‌ده‌غه بكه‌ت،ديسان دخوازين ئه‌وێن ل پشت ڤان رێكخراوان بێنه ئاشكه‌راكرن و ڤێ چه‌ندێ ب هه‌موو شێوه‌يان ئيدانه دكه‌ين ئه‌وا گرۆپێن جودا جودا هه‌ول دده‌ن ئايينێ مرۆڤى بگهۆرن.
ده‌خيل ئاماژه‌كريه ژى كو دهه‌مان ده‌م دا ئه‌ڤ چالاكييا ته‌بشيرى يا مه‌سيحى گه‌ڤێ ل په‌يوه‌نديێن دناڤبه‌را ئێزديان و مه‌سيحييان دا دكه‌ت.
