ب پشكدارييا 30ئه‌كته‌ران فلمێ ملله‌تێ فه‌رمانا ل سه‌ر ره‌وشا ئاواره‌يێن كوردێن ئێزدى و كاره‌ساتا شنگالێ ژلايێ تيپا گرعزێر يا هونه‌رێ شانۆيێ ڤه يێ دئێته چێكرن ،كونهۆ پرۆفات ل سه‌ريێ دئێنه كرن،به‌رپرسێ تيپێ ژى دبێژت ئه‌م پێدڤى ب پشته‌ڤانيێ نه هه‌تا كو بكارين ڤى فلمى وێنه بكه‌ين و ده‌رێخين.
سالم حسێن،به‌رپرسێ تيپا گرعزێر يا هونه‌رێ شانۆيێ بۆ مالپه‌رێ ئێزديخان نيوز گۆت:ماوێ ڤى فلمى ده‌مژمێره‌كه و ل سه‌ر ره‌وشا ئاواره‌يان و روودانێن شنگالێ ژ ره‌ڤاندن و ده‌ربه‌ده‌ركرن و كوشتن و زيانا ب شێوه‌يه‌كى درامى دئاخڤت و 30ئه‌كته‌ر تێدا دبه‌شدارن و تنێ نهۆ ئه‌م ل هيڤيا پشته‌ڤانيا مادى و مه‌عنه‌وى نه ژ لايێ ئاليه‌كى ره‌وشه‌نبيرى و حكومى هه‌تا كو بكارين ڤى فلمى وێنه بكه‌ين و ده‌رێخين.
حسێن گۆتژى پشتى ڤى فلمى ده‌رێخين دێ گه‌هينه هه‌موو جيهانێ و دێ بۆ زمانێن ئه‌ره‌بى و و ئنگليزى ژى ئێته وه‌رگێران.
ناڤبرى ئاماژه‌كر كو چيرۆكا ڤى فلمى ژ نڤيسينا وييه و نهۆ پرۆفات ل سه‌ر يێ دئێنه كرن.
