ئێزديخان نيوز:
ده‌رباره‌ى ره‌وشا په‌نابه‌رێن ئێزدى ل توركيا،ميرێ ئێزديان ل عيراقێ و جيهانێ ميرته‌حسين سه‌عيد به‌گ كۆمبوونه‌كێ دگه‌ل ژماره‌يه‌كا كه‌سايه‌تيێن جڤاكى و ره‌وشه‌نبيرى و سياسى يێن ئێزديان كۆمه‌كا ره‌وشه‌نبيرێن ئێزديان ئه‌نجام دا و برياردا بانگه‌وازييه‌ك ئاراسته بكه‌تن.
بۆ رايا گشتى يا جيهانى و ئێكه‌تيا ئه‌وروپى ب شێوه‌ه‌يكى تايبه‌ت بانگه‌وازى
ژبۆ چاره‌سه‌ركرنا كێشه‌يا په‌نابه‌رێن ئێزديان ل توركيا ئێزدى هه‌ر ژ هه‌يڤا هه‌شت يا بۆرى ژ ره‌وشه‌كا كاره‌ساتێ يێن دنالن و بوو ئه‌گه‌رێ ده‌ربه‌ده‌ركرنا بترى 450هه‌زار وه‌لاتيان ژ ده‌ڤه‌رێن ل شنگالێ و ده‌شتا نه‌ينه‌وا،و بوو هێرشێن تيرۆرستان بوو ئه‌گه‌رێ ئاواره‌بوونا ب هه‌زارها ژ وان بۆ توركيا،ئه‌و ژى وه‌كى هه‌موو په‌نابه‌رێن دى يێ دره‌وشه‌كا مرۆڤايه‌تى دا دنالن كو وێ چه‌ندێ وه‌لێ كرن بترى سێ هه‌زارا ژ وان خيڤه‌تێن خۆ بهێلن و ب شێوه‌يه‌كى عه‌شوائى به‌ره‌ڤ سنورێن ده‌وله‌تێن ئێكه‌تيا ئه‌وروپى ڤه بچن،كو ژ وێ ره‌وشا خرابا كه‌مپان خۆ خلاس بكه‌ن.
ئه‌ڤ كۆچا ب كۆم ژ سه‌دان خێزانا و زارۆكان و نه‌خۆشان پێك دئێت ئه‌م ب ناڤێ جڤاتا رۆحانيا ئێزديان يا بلند بانگه‌وازييا خۆيا مرۆڤايه‌تى ئاراسته‌ى بنگه‌هێن بريارێ ل ئێكه‌تيا ئه‌رووپى دكه‌ين كو يا پێدڤيه ڤان په‌نابه‌ران وه‌رگرن،كو ئارمانجا وان يا سه‌ره‌كى ئه‌وه ب ئێمناهى بژين و ژ زولم و زۆرداريێ و ده‌ربه‌ده‌ريێ قوورتال بن كو ل سيسته‌مه‌كى رێزێ ل مافێن وان يێن مرۆڤايه‌تى دگرت.
ديسان بانگه‌وازييا خۆ ئاراسته‌ى حكومه‌تا توركيا دكه‌ين ژبۆ چاره‌سه‌ركرنا ڤان په‌نابه‌ران كو ئه‌رد و وه‌لاتێ خۆ ژ ده‌ست داينه دگه‌ل رێزگرتنێ.
ته‌حسين سه‌عه‌يد على
ميرێ ئێزديان ل عيراقێ و جيهانێ
سه‌رۆكێ جڤاتا رۆحانيا ئێزديان يا بلند هانوفه‌ر 27 حزيران 2015
