شانده‌كى مالێن ئێزديان ل ئه‌لمانيا سه‌ره‌دانا پارێزگه‌ها دهۆكێ دكه‌ت

ئێزديخان نيوز:دهۆك

 شانده‌كى مالێن ئێزديان ب سه‌رۆكاتيا  تێلم تولان سه‌رۆكێ ناڤه‌ندا شێوردارييا ئێزديان ل ئه‌لمانيا، دوهى 1/6سه‌ره‌دانا جڤاتا پارێزگه‌ها دهۆكێ كرو ژلايێ جڤاتێ ڤه‌ پێشوازى لێ هاته‌كرن و چه‌ند بابه‌ت ده‌رباره‌ى ره‌وشا ئاواره‌يێن كوردێن ئێزدى ب تايبه‌ت يێن شنگالێ گه‌نگه‌شه‌كرن.

 ده‌رباره‌ى ڤێ سه‌ره‌دانێ،بێريڤان سه‌ليم جێگرا سه‌رۆكێ جڤاتا پارێزگه‌ها دهۆكێ و نونه‌را ئێزديان ل دهۆكێ بۆ مالپه‌رێ ئێزديخان نيوز گۆت: شانده‌كى مالێن ئێزديان ب سه‌رۆكاتيا  تێلم تولان سه‌رۆكێ ناڤه‌ندا شێوردارييا ئێزديان ل ئه‌لمانيا وشهاب داغ سه‌رۆكێ مالا ئێزديان ل ئۆلدنبۆرك و سلێمان سه‌رۆكێ مالا ئێزديان ل لێر و سونكول تۆلان سه‌رۆكا مالا ئێزديان  ل به‌رلين دوهى سه‌ره‌دانا جڤاتا پارێزگه‌هێ كرن و پشته‌ڤانيا خۆ بۆ ئاواره‌يێن كوردێن ئێزدى ب تايبه‌ت يێن شنگالێ ده‌ربرين و رۆلێ حكومه‌تا هه‌رێما كوردستانێ و خه‌لكێ دهۆكێ بۆ وێ خزمه‌تا پێشكێشى ئاواره‌يان كرين ژ هه‌رده‌مێ هاتينه‌ دهۆكێ به‌حسكرن. 

جێگرا سه‌رۆكێ جڤاتا پارێزگه‌ها دهۆكێ گۆتژى ڤى شاندى دوو به‌رنامه‌ پێشكێشى جڤاتێ كرن ئه‌و ژى ل سه‌ر هندێ كو دێ دوو جهان ڤه‌كه‌ن بۆ ژنێن ئێزدى كو خۆ لێ مژوول بكه‌ن وه‌ك ڤه‌كرنا خۆلێن دروارێ يان ره‌وشه‌نبيركرنا وان،ژپێخه‌مه‌ت ژ سه‌قايێ ده‌روونى و نه‌خۆشييان دوور بكه‌ڤن و گۆتن ئه‌م پشته‌ڤانن بۆ ڤێ چه‌ندێ،به‌رنامێ وان يێ دى ژى ئه‌وه‌ تانكه‌ران بۆ ئاڤێ دێ به‌نه‌ سه‌رێ چيايێ شنگالێ بۆ ئاواره‌يان،ته‌كه‌ز كرن ژى كو هه‌ر تشته‌كى پارێزگه‌هێ كربت وان نه‌ڤێت وى تشتى بكه‌نه‌ ڤه‌،به‌لكو ئه‌و تشتێ دشيانێن پارێزگه‌هێ دا نه‌بت بكه‌ن. 

نونه‌را ئێزديان ل پارێزگه‌ها دهۆكێ ئه‌و چه‌نده‌ ژى دياركر،ڤى شاندى گۆته‌ مه‌ وان ل به‌ره‌ چاڤپێكه‌فتنان ل گه‌ل قايممقام و رێڤه‌به‌رێن كه‌مپان ئه‌نجام بده‌ن،ژبۆ هايداربوون ل سه‌ر ئاريشه‌يێن وان.

 بێريڤانێ ئاماژه‌ كر ژى كو شاندێ ناڤبرى ئاماده‌يا خۆ ده‌ربرى بۆ خزمه‌تكرنا ئاواره‌يان و چه‌ند پرۆژه‌يێن دى ژى ل به‌ربوون،تنێ ئه‌ڤ هه‌ردوو پرۆژنه‌ پێشنياركرن.