ته‌رمێن هه‌شتى كوردێن ئێزدى ل رۆژئاڤايێ مووسلێ هاتنه‌ ديتن

ئێزديخان نيوز:

گۆره‌كى كوردێن ئێزدى ل شنگالێ/ئه‌رشيف

ل رۆژئاڤايێ مووسلێ گۆره‌كى ب كۆم يێ كوردێن ئێزدى هاته‌ ديتن و ته‌رمێن هه‌شتى كه‌سان تێدانه‌.

 ژێده‌ره‌كى ژ وه‌زاره‌تا پێشمه‌رگه‌ى يا حكومه‌تا هه‌رێما كوردستانێ،دوهى 30/5/2015ێ راگه‌هاند،ل گوندێ جدعه‌ ئه‌وێ ناحيا بادووشێ ب گوندێ كه‌سكێ ڤه‌ گرێدده‌ت گۆره‌كى ب كۆم يێن كوردێن ئێزدى هاته‌ ديتن و ته‌رمێن هه‌شتى كه‌سان تێدانه‌ و ژوانا 20ژن و 33زارۆك و دانعه‌مر و گه‌نج بوون.  

هه‌مان ژێده‌ر ئه‌و چه‌نده‌ ژى دياركريه‌، كو تيرۆرستێن داعش ئه‌ڤ هه‌موو كوردێن ئێزدى كوشتينه‌،پشتى ده‌سته‌سه‌ركرين ده‌مێ شنگال كۆنترۆلكرين.

 ڤى ژێده‌رى ئاماژه‌كريه‌ ژى كو شوونوارێن ئه‌شكه‌نجدانێ ل سه‌ر ته‌رمێن ڤان كه‌سان ديارن و گوله‌ ل سه‌رێ هه‌موويان هاتينه‌ دان.