التخطي إلى المحتوى الرئيسي
بحث هذه المدونة الإلكترونية
پارتى كورسيكه‌كێ دده‌ته ئێزديان
ئێزديخان نيوز:
بتريا لايه‌نێن په‌رله‌مانێ كوردستانێ ل گه‌ل هندێ نه‌بوون ل لژنه‌يا 21كه‌سى بۆ ئاماده‌كرنا ده‌ستوورى،هيچ نونه‌رێكى ئێزدى تێدا به‌شدار بت،پارتى بريار دا ژ به‌شێ خۆ كورسيكه‌كێ بده‌ته ئێزديان.
نونه‌رێ ئێزديان ل په‌رله‌مانێ كوردستانێ دبێژت: پارتى خۆ ل ئێزديان كريه خودان،چنكو ئێزدى ئه‌مانه‌تى پارتى و بارزانى نه و ب ئه‌ركێ خۆ زانى كورسيكه‌كێ ژ به‌شێ خۆ بده‌ته ئێزديان.
شێخ شامۆ، نونه‌رێ ئێزديان ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان گۆت:هه‌وله‌ك ل سه‌ر ئاستێ په‌رله‌مانى هه‌بوو مافێ كێم نه‌ته‌وه‌يان ل ده‌ستورى دا نه‌بت و ئه‌ندام دلژنه‌يا 21كه‌سى دا نه‌بت،ئه‌ڤه جهێ داخێيه په‌رله‌مان شه‌رعيه‌تا ناڤ مالا كوردييه،به‌لێ ل گه‌ل هندێ هنده‌ك لايه‌نان ب ئه‌ركێ نه‌ته‌وه‌ى يێ خۆ پشتگرى ل ئێزديان نه‌كر،كو ژ ناڤ وان 21 كه‌سا جهێ كه‌سه‌كى ئێزدى بكه‌نێ و ئه‌وشك به‌شدار بت ل ئاماده‌كرنا ده‌ستوورى،پارتى ب ئه‌ركێ خۆ زانى ژ به‌شێ خۆ كورسيكه‌كێ بده‌ته ئێزديان.
شێخ شامۆ گۆتژى پارتى خۆ ل ئێزديان كريه خودان وپارتى ئه‌ركێ خۆ بجه ئينا،ئاخر پێدڤى بوو هه‌ر وه‌كو پارتى هه‌موو لايه‌نه سياسييه‌كان به‌رێ خۆ دابانه بارودۆخێ ئێزديان.
نونه‌رێ ئێزديان ئاماژه‌كر ژى كو نهۆ ئه‌و جيێ دلخۆشيێ يه ئه‌و خالانه تايبه‌تمه‌ندن ب ئێزديان ب هه‌بوونا وى كه‌سى ل ده‌ستورێ هه‌رێما كوردستانێ جى دێ هه‌بتن.
