زارۆكێن ئێزديان چاوا فێرى زمانێ كورديێ و ئێزدياتيێ ل ئه‌وروپا دبن

ئێزديخان نيوز:ئه‌لمانيا

ئه‌رشيف

كۆڤان گێنجۆ،ئه‌ندامێ بنگه‌هێ لالش ل ئه‌لمانيا بۆ ئێزديخان نيوز دياركر،ڤه‌كرنا كۆرسێن فێربوونا زمانێ كورديێ و ئێزدياتيێ بۆ زارۆكێن ئێزديان ژلايێ بنگه‌هێ لالش ڤه‌ دبه‌رده‌وامن و په‌رتووكێن ئێزدياتيێ ژى ل چه‌ند وه‌لاتان ل ئه‌وروپا هاتينه‌ به‌لاڤكرن.  

ڤى ئه‌ندامێ بنگه‌هێ لالش ئاشكه‌راكر ژى په‌رتووكا ئێزدياتيێ يا ب پيتێن لاتينى هاتيه‌ نڤيسين ژلايێ بنگه‌هێ لالش ڤه‌  ل هۆله‌ندا و نه‌رويج و وسويد و نه‌مسا و دانيمارك و ئه‌لمانيا هاتيه‌ به‌لاڤكرن،ب ئارمانجا وێ چه‌ندێ زارۆكێن ئێزدى فێرى زمانێ كورديێ و ئێزدياتيێ و داب و نه‌ريتێن خۆ يێن دينى بن.

 ناڤبرى دووپاتكر ژى ئه‌ڤ كۆرسنه‌ سالانه‌ بۆ بۆ زارۆكێن ئێزديان ل ئه‌لمانيا ژلايێ بنگه‌هێ لالش ڤه‌ دئێنه‌ ڤه‌كرن،هه‌روه‌سا مال و كۆمه‌لێن ئێزديان ژى بتنێ هه‌مان كۆرسێن فێركرنا ئێزدياتيێ ڤه‌ دكه‌ن.