ئه‌ڤ ساله‌ رێورسمێن هنده‌ك توافێن ئێزديان نه‌هاتنه‌ گێران

ئێزديخان نيوز:خانكێ

ژبه‌ر كاودانێن نهۆ كوردستان تێدا ده‌رباز دبت و ئه‌و كاره‌ساتا ب سه‌رێ ئێزديان هاتى،ل كۆمه‌لگه‌ها خانكێ  رێورسمێن توافا مام شڤان نه‌هاتنه‌ گێران.

مجێورا مه‌زارگه‌هێ مام شڤان(نه‌دۆ كرێت)بۆ ئێزديخان نيوزگۆت:ژبه‌ر وێ كاره‌ساتا ب سه‌رێ ئێزديان هاتى و ئه‌و كاودانێن نهۆ كوردستان تێدا ده‌رباز دبت،ر ێورسمێن توافا مام شڤان وه‌ك هه‌ر سال نه‌هاتنه‌ گێران و تنێ خه‌لكى ژ هه‌موو ده‌ڤه‌رێن ئێزديان و خانكێ ب كه‌يف و خۆشى قه‌ستا توافێ كر. 

مجێورا مه‌زارگه‌هێ مام شڤان ئه‌و چه‌نده‌ ژى خوياكر، ل ڤێ توافێ په‌رى دئێته‌ سواركرن و سه‌ما دئێته‌ چێكرن.

 توافا مام شڤان ئه‌ڤ ساله‌ ل رێككه‌فتى (15/5/2015)ێ بوو،كودبته‌ دوماهيك تواف  ل خانكێ دئێته‌ كرن.

هه‌ر ژ به‌ر ره‌وه‌شا نهۆ يا ئێزديان رێورسمێن هنده‌ك توافێن دى ژى ل ده‌ڤه‌رێن جواديێن ئێزديان ئه‌ڤ ساله‌ نه‌هاتنه‌ گێران.