دليار سه‌عيد ئه‌و كچا كوردا ئێزدى يا ژ گوندێ كۆچۆ ژ ده‌ستێن تيرۆرستێن داعش رزگاربووى،پشتى ب رێيا نونه‌راتيا حكومه‌تا هه‌رێما كوردستانێ سه‌ره‌دانا په‌رله‌مانێ ئه‌وروپى كرى،ب تايبه‌ت ژى ده‌مێ سه‌ره‌دانا بنگه‌هێ لالش ل ئه‌لمانيا كرى چه‌ند سازيێن رۆژنامه‌ڤانيێ و راگه‌هاندنێ يێن ناڤدارێن ئه‌لمانى چيرۆكا وێ ڤه‌گۆهاستينه ژ پێخه‌مه‌ت ئه‌و زوولم و زۆردارييا ل وان هاتيه كرن ب گه‌هينه بتريا وه‌لات و جڤاكێ ئه‌وروپى.
به‌رپرسێ راگه‌هاندنا بنگه‌هێ لالش ل ئه‌لمانيا(هه‌ژار مدير)بۆ ئێزديخان نيوز گۆت:ده‌مێ دليار سه‌عيد سه‌ره‌دانا بنگه‌هێ لالش كرى، چه‌ند سازيێن رۆژنامه‌ڤانيێ و راگه‌هاندنێ يێن ناڤدارێن ئه‌لمانى قه‌ستا باره‌گايێ بنگه‌هى كرن و ديدار ل گه‌ل دا ئه‌نجام دان و دليارێ دڤان ديداران دا به‌حسێ كوشتنا زه‌لام و خۆرتێن شنگالێ و ئه‌و زولما ل وان هاتيه كرن و رۆژانێن سه‌ختێن دزيندانان دا ژ بال تيرۆرستێن داعش ڤه كر.
هه‌ژار مدير گۆتژى هه‌تا نهۆ ژى رۆژنامه و ده‌زگه‌هێن راگه‌هاندنێ په‌يوه‌نديێ ب بنگه‌هێ لالش دكه‌ن ،كو سه‌ره‌دانا دليارێ بكه‌ن و ديدارێن رۆژنامه‌ڤانى سازبده‌ن.
به‌رپرسێ راگه‌هاندنا بنگه‌هێ لالش ل ئه‌لمانيا ئاشكه‌راكرژى ئه‌ڤ ديدارێن ده‌زگه‌هێن رۆژنامه‌ڤانيێ و راگه‌هاندنێ يێن ئه‌لمانى يێن ل گه‌ل دليارێ كرين،ژبۆ وێ يه‌كێ بوون ئه‌و زوولم و زۆردارييا ل وان هاتيه كرن ب گه‌هينه بتريا وه‌لات و جڤاكێ ئه‌وروپى.
