ل ئه‌وروپا چاره‌سه‌ريا رزگاربوويێن ئێزدى دێ ئێته كرن
ئێزديخان نيوز:
سه‌رۆكێ په‌رله‌مانێ ئه‌وروپى مارتن شولزدديداره‌كێ دا دگه‌ل په‌رله‌مانتار ڤيان ده‌خيل پشته‌ڤانيا خۆ بۆئێزديان دووپاتكر و به‌رهه‌ڤيا خۆ دياركر بۆ ب جينۆسايد ناساندنا كاره‌ساتا شنگالێ و چاره‌سه‌ركرنا رزگاربوويان ژ ده‌ستێ داعش ل ده‌رڤه‌ى وه‌لاتى.
نڤيسينگه‌ها په‌رله‌مانتار ڤيان ده‌خيل راگه‌هاند، دچارچۆڤه‌يێ سه‌ره‌دانان بۆ په‌رله‌مانێ ئه‌وروپا،ڤيان ده‌خيل دديداره‌كێ دا دگه‌ل مارتن شولزسهرۆكێ په‌رله‌مانێ ئه‌وروپى به‌حسا ره‌وشا ئێزديان و ئه‌وا نهۆ تووش دبنێ و ب تايبه‌ت ئێخسيران ل تلعفه‌رێ و مه‌سه‌لا ره‌ڤاندييان و ئاواره‌يان و پێدڤيێن وان و چاره‌سه‌ركرنا رزگاربوويان و هاريكاريكرنا وان و جينۆسايدێ و پاراستنا نێڤ ده‌وله‌تى پشتى رزگاركرنا ئه‌ردى كر.
ل گۆر نڤيسينگه‌ها ڤيان ده‌خيل،سه‌رۆكێ په‌رله‌مانێ ئه‌وروپى به‌رهه‌ڤيا خۆ دياركر بۆ دووڤچۆنا بابه‌تى و ب تايبه‌ت مه‌سه‌لا جينۆسايدێ و چاره‌سه‌ركرنا رزگاربوويان ژ ده‌ستێ داعش ل ده‌رڤه‌ى وه‌لاتى.
