مه‌زنترين په‌يكه‌رێ جينۆسايدا ئێزديان دێ ل وه‌لاتێ ئه‌رمينيا ئێته ڤه‌كرن
ئێزديخان نيوز:
جينۆسايدائه‌رمه‌نا ل ئێريڤانێ
ژبۆپشكداريكرنێ د ڤه‌كرنا مه‌زنترين په‌يكه‌رێ جينۆسايدا ئێزديان ل ئێريڤانێ و ل سه‌ر داخوازييا رشيد فيروئه‌ندامێ په‌رله‌مانێ هه‌رێما كامجاتكا يێ ئه‌رمينى،شانده‌كى ئێزديان ژ كوردستانێ سه‌ره‌دانا وه‌لاتێ ئه‌رمينيا دكه‌ت.
سه‌باره‌ت ڤێ سه‌ره‌دانێ شێخ شامۆ ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش راگه‌هاند،ئه‌ڤ سه‌ره‌دانه بۆ رێزگرتنه ل جانگۆرێن گه‌لێ ئه‌رمينى وبه‌شداريكرنه بۆ ڤه‌كرنا مه‌زنترين په‌يكه‌رێ جينۆسايدا ئێزديان ل رێككه‌فتى 21/4/2015ێ ل ئێريڤانێ پايته‌ختێ ئه‌رمينا.
شێخ شامۆ ئاماژه كريه‌ژى،كو ئه‌ڤ په‌يكه‌ره ژلايێ رشيد فيرو هاتيه دانان ده‌ربرينێ ژ وان كۆمكوژيێن ئێزدى دديرۆكێ دا تووشبووينێ دكه‌ت و ڤه‌كرنا وى دب رێورسمه‌كا تايبه‌ت بت.
هه‌ر دچارچۆڤه‌يێ ڤێ سه‌ره‌دانێ دا شاندێ ئێزديان سه‌ره‌دانا ژماره‌كا گوند و ده‌ڤه‌رێن ئێزديان يێن ل ئه‌رمينيا كر،ژوانا گوندێ شاميران و ريا تازه و سبيان و ژماره‌كا دى يا گوندان.
شاندێ ناڤبرى ژ هه‌ر ئێك شێخ شامۆ ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش و مه‌يسه‌ر حجى قايممقامێ شنگالێ و نايف سه‌يدۆ رێڤه‌به‌رێ ناحيا سنوونێ و كه‌سايه‌تى نايف جاسو و شيخ مشعل پێك دهات.
