ب مه‌ره‌ما به‌حسكرنا پرسا كچ و ژنێن ئێزديان، دوهى 28/4/2015ێ نونه‌را تايبه‌تا سكرتێرێ گشتيێ نه‌ته‌وه‌يێن ئێكگرتى،زه‌ينه‌ب به‌نگۆرا ب ياوه‌رييا نونه‌رێن ئاژانسێن نه‌ته‌وه‌يێن ئێكگرتى سه‌ره‌دانا په‌رله‌مانێ كوردستانێ كر و ژ لايێ لژنه‌يێن كاروبارێن ياسايى و مافێن مرۆڤى و ته‌ندروستى و ژينگه و داكۆكيكرن ل مافێن ئافره‌تێ و نونه‌رێن پێكهاته‌يێن كێمينه‌يان پێشوازى لێ هاته كرن.
دڤێ كۆمبوونێ دا هه‌ردوو لايان پرسا توندوتيژيا سكسى ل دژى ژنێن ئێزديان ژلايێ تيرۆرستێن داعش ڤه به‌حسكرن،ژلايێ خۆ ڤه زه‌ينه‌ب به‌نگۆرا بلێن دا كو توندوتيژيا سكسى ل به‌رامبه‌ر ژنێن ئێزدى دێ كه‌نه خالا سه‌ره‌كييا راپۆرتا سالانه‌يا ئه‌نجومه‌نێ ئاسايشا نێڤ ده‌وله‌تى،بۆ هندێ سزادانا داعشێ ل سه‌ر ئاستێ نێڤ ده‌وله‌تى بت.
هه‌ر دڤێ كۆمبوونێ دا لژنه‌يێن ئاماده‌بوويێن په‌رله‌مانێ كوردستانێ و نونه‌رێن پێكهاته‌يێن كێمينه‌يان كێشه و گرفت و بارودۆخێ كچ و ژنێن ئێزديان بۆ شاندى رۆنكر و خواستن كۆنفرانسه‌كى نێڤ ده‌وله‌تى بۆ ڤێ پرسێ بێته ئه‌نجام دان،چنكو رێكخراوا تيرۆرستيا داعش ب ئاشكه‌را كرين و فرۆتنێ ب كچ و ژنێن ئێزدى دكه‌ت.
ژلايێ خۆڤه ئه‌ندامێ په‌رله‌مانێ كوردستانێ و نونه‌رێ ئێزديان،شێخ شامۆ ب مالپه‌رێ فه‌رميێ پارتى ديموكراتى كوردستان راگه‌هاند،دڤێ كۆمبوونێ دا بارودۆخێ خرابێ وان كچ و ژنێن ئێزدى يێن رزگاربووين ژ ده‌ستێ داعشێ هاته به‌حسكرن،ڤى شاندى ژى بلێن دا پرسا كچ و ژنێن ئێزدى دێ به‌نه ئه‌نجومه‌نێ ئاسايشا نێڤ ده‌وله‌تى.
شێخ شامۆ دياركرژى مه داخواز ژ شاندێ ناڤبرى كر ب رێيا ئه‌نجومه‌نێ ئاسايشا نێڤ ده‌وله‌تى فشارێ بێخنه سه‌ر عيراقێ هه‌تا ببته ئه‌ندام ل دادگه‌ها لاهاى،بۆ هندێ كه‌يسێ جينۆسايدكرنا كوردێن ئێزدى ل شنگالێ ب رێيێن ياسايى بت و خونا وان وه‌لاتيێن بێ تاوان ب هه‌روه نه‌چت.
ب مه‌ره‌ما به‌حسكرنا پرسا كچ و ژنێن ئێزديان، دوهى 28/4/2015ێ نونه‌را تايبه‌تا سكرتێرێ گشتيێ نه‌ته‌وه‌يێن ئێكگرتى،زه‌ينه‌ب به‌نگۆرا ب ياوه‌رييا نونه‌رێن ئاژانسێن نه‌ته‌وه‌يێن ئێكگرتى سه‌ره‌دانا په‌رله‌مانێ كوردستانێ كر و ژ لايێ لژنه‌يێن كاروبارێن ياسايى و مافێن مرۆڤى و ته‌ندروستى و ژينگه و داكۆكيكرن ل مافێن ئافره‌تێ و نونه‌رێن پێكهاته‌يێن كێمينه‌يان پێشوازى لێ هاته كرن. 
