هنده‌ك ره‌ڤانديێن گوندێ كۆچۆ هاتنه‌ رزگاركرن

ئێزديخان نيوز:

 ئيرۆ رۆژا پێنج شه‌مبوويێ 23ره‌ڤانديێن خه‌لكێ شنگالێ،يێن كو ژلايێ تيرۆستێن داعش ڤه‌ هاتينه‌ ره‌ڤاندن هاتنه‌ ئازادكرن و بتريا وان وه‌لاتيێن گوندێ كۆچۆنه‌ و گه‌هشتينه‌ ناحيا سنوونێ. 

سه‌رۆكێ جڤاتا ناحيا سنوونێ(ئلياس خدر)ب ئێزيخان نيوز راگه‌هاند،ئيرۆ رێككه‌فتى23/4و ل ده‌هنێ سبه‌يكێ 23ره‌ڤانديێن كوردێن ئێزدى يێن خه‌لكێ شنگالێ ژ ده‌ستێن تيرۆرستێن داعش هاتنه‌ ئازادكرن،كو بتريا وان خه‌لكێ گوندێ كۆچۆنه‌ و ئه‌ڤ كه‌سێن رزگاربووين  ژ زارۆك و ژن و زه‌لامان  پێك دئێن. 

ناڤبرى گۆتژى پشتى ئه‌ڤ كه‌سێن  رزگاربووى گه‌هشتينه‌ ناحيا سنوونێ بۆ پارێزگه‌ها دهۆكێ هاتنه‌ ره‌وانه‌كرن.

 ل هه‌ياما چه‌ند رۆژێن بۆرى دا ژى ژماره‌يه‌كا دى يا ره‌ڤانديێن كوردێن ئێزدى ژ ده‌ستێن تيرۆرستێن داعش هاتينه‌ رزگاركرن.