په‌روه‌ردا دهۆكێ:دان پێدانێ ب قوتابخانێن ل سه‌رێ چيايێ شنگالێ هاتينه‌ ڤه‌كرن ناكه‌ين

ئێزديخان نيوز:دهۆك

 رێڤه‌به‌رێ گشتيێ په‌روه‌ردا پارێزگه‌ها دهۆكێ دكۆنگره‌كى رۆژنامه‌ڤانى دا راگه‌هاند،كو ب چوو ره‌نگه‌كى دان پێدانێ ب وان قوتابخانان ناكه‌ن يێن ژلايێ لايه‌نه‌كى سياسى ڤى هاتينه‌ ڤه‌كرن ل سه‌رێ چيايێ شنگالێ،ته‌كه‌زژى كر كو وه‌زاره‌تا په‌روه‌ردێ ب تنێ ماف هه‌يه‌ قوتابخانا ڤه‌كه‌ت.

 راگه‌هاندنا رێڤه‌به‌رييا گشتييا په‌روه‌ردا پارێزگه‌ها دهۆكێ،دپه‌يچێ خۆ يێ تايبه‌تێ فه‌يسبۆكى دا راگه‌هاندييه‌،ئيرۆ رۆژا سێ شه‌مبوويێ 7نيسانا 2015ێ،رێڤه‌به‌رێ گشتيێ په‌روه‌ردا پارێزگه‌ها دهۆكێ(عه‌بد يوسف ئه‌حمه‌د)دكۆنگره‌كى رۆژنامه‌ڤانى دا بۆ ده‌زگه‌هێن راگه‌هاندنێ دا دياركرن،كو ب چوو ره‌نگه‌كى دان پێدانێ ب وان قوتابخانان ناكه‌ن يێن ژلايێ لايه‌نه‌كى سياسى ڤى هاتينه‌ ڤه‌كرن ل سه‌رێ چيايێ شنگالێ،خوياكر ڤه‌كرنا قوتابخانان ژڤى جۆرى تنێ مه‌ره‌مێن سياسى يێن به‌رته‌نگ پێ هه‌نه‌،نه‌ك خزمه‌تا قوتابيان پێ هه‌يه‌ و  وه‌زاره‌تا په‌روه‌ردێ ڤان جۆره‌ قوتابخانا ره‌ت دكه‌ت. 

هه‌ر دڤى كۆنگرێ رۆژنامه‌ڤانى دا رێڤه‌به‌رێ گشتيێ په‌روه‌ردێ دياركر،كو دووڤچۆنا ڤى بابه‌تى هاتيه‌ كرن و ئه‌ڤ قوتابخانێن هاتينه‌ ڤه‌كرن بۆ هژماره‌كا كێم هاتينه‌ ڤه‌كرن و چوو بنه‌مايێن قانونى و زانستى نينن،هه‌روه‌سا عه‌بد يوسف دا دياركرن كو رێڤه‌به‌رييا گشتى يا په‌روه‌ردێ ل هه‌ر جهه‌كێ هاتيه‌ رزگاركرن قوتابخانه‌ لێ هاتينه‌ ڤه‌كرن و به‌رهه‌ڤيا په‌روه‌ردێ دياركر بۆ ڤه‌كرنا قوتابخانان ل هه‌ر جهه‌كى كو پێدڤى بت قوتابخانه‌ بێنه‌ ڤه‌كرن  و قوتابى ب شێوه‌يه‌كى ئاسايى ده‌واما خۆ لێ بكه‌ن،دياركرژى كو  وه‌زاره‌تا په‌روه‌ردێ ب تنێ ئه‌و ماف هه‌يه‌ قوتابخانا ڤه‌كه‌ت.