التخطي إلى المحتوى الرئيسي
بحث هذه المدونة الإلكترونية
جڤاكێ نێڤ ده‌وله‌تى هان دان بۆ رزگاركرنا كچ و ژنێن ئێزديان
ئێزديخان نيوز:سويد
ب هه‌لكه‌فتا رۆژا جيهانيا ژنێن جيهانێ،ب داخوازه‌كا پارتا يه‌سار يا سويدى vanstre partiل باژێرێ هلسنبورى،چالاكڤانه‌كا ئێزدى دچالاكييه‌كێ دا په‌يڤه‌ك پێشكێشكر و داخواز ژ ئاماده‌بوويان كر جڤاكێ نێڤ ده‌وله‌تى هان بده‌ن بۆ رزگاركرنا كچ و ژنێن ئێزديان يێن دده‌ستێ تيرۆرستێن داعش دا.
چالاكڤانا ئێزدى برشنك شاكر دپه‌يڤه‌كا خۆ دا يا بڤێ هه‌لكه‌فتێ پێشكێشكرى ته‌كه‌ز كر و داخواز ژ ئاماده‌بوويان كر جڤاكێ نێڤ ده‌وله‌تى هان بده‌ن بۆ هاريكاريكرنا ره‌ڤانديێن ئێزدى و رزگاركرنا وان ژ ده‌ستێن تيرۆرستێن داعش.
به‌رپرسێ مالا ئێزديان ل باژێرێ هلسنبورى ل سويدێ(شێخ جه‌لال) بۆ ئێزديخان نيوز دياركر،ئه‌م پشته‌ڤانێن هه‌ر كه‌سه‌كى نه تشته‌كى بۆ مرۆڤايه‌تيێ و ئێزدياتيێ پێشكێش بكه‌تن.
