په‌رله‌مانتاره‌كا ئێزدى دێ پشكداريێ دكۆمبوونا ئه‌نجومه‌نێ ئاسايشا ده‌وله‌تى دا كه‌ت

ئێزديخان نيوز:

ژبۆ پشكداريكرنێ دكۆمبوونا ئه‌نجومه‌نێ ئاسايشا ده‌وله‌تى دا،سبه‌ى ئه‌نداما په‌رله‌مانێ عيراقێ و په‌رله‌مانتارا ئێزدى ڤيان ده‌خيل دێ چته‌ ئه‌مريكا.

نڤيسينگه‌ها ئه‌نداما په‌رله‌مانێ عيراقێ ڤيان ده‌خيل دوهى 25/3 راگه‌هاند،كو ئيرۆ 26/3ڤيان ده‌خيل دێ چته‌ ئه‌مريكا و دێ دكۆمبوونا ئه‌نجومه‌نێ ئاسايشا ده‌وله‌تى ئاماده‌بت وگۆتاره‌كێ ل سه‌ر ره‌وشا كێمينه‌يان و ب تايبه‌ت ئێزديان  خونت. 

ئاماژه‌ دايه‌ وێ چه‌ندێ ژى كو ڤيان ده‌خيل دێ داخوازا ب جينۆسايد ناسكرنا كاره‌ساتا ب سه‌رێ ئێزديان هاتى كه‌ت.

چاڤه‌رێيه‌ ل (27/3/2015) كۆمبوونا ئه‌نجومه‌نێ ئاسايشا ده‌وله‌تى ل نيويورك ل ئه‌مريكا بێته‌ سازدان.