وه‌زيرێ ده‌ڤه‌رێن ده‌رڤه‌ى هه‌رێما كوردستانێ سه‌ره‌دانا سنوونێ دكه‌ت

ئێزديخان نيوز:سنوونێ  

وه‌زيرێ ده‌ڤه‌رێن كوردستانى يێن ده‌رڤه‌ى هه‌رێمێ ب ياوه‌رييا شانده‌كى وه‌زاره‌تێ،ئێرۆ (24/3)سه‌ره‌دانا ناحيا سنوونێ و چيايێ شنگالێ كر.

 شاندێ ناڤبرى دسه‌ره‌دانا خۆ دا بۆ  چيايێ شنگالێ ژ نێزيك هايدارى ره‌وشا وان خێزانێن ئاواره‌ يێن ل چيايى ماين بوو،پێدڤيێن وان ژى ل به‌ر چاڤ وه‌رگرتن،پاشى ڤى شاندى ديداره‌ك ل گه‌ل كارگێريا ناحيا سنوونێ و قه‌زايێ و جڤاتا وێ سازدا و دگه‌ل به‌رپرسان پێدڤيێن ناحيێ ژ لايێ خزمه‌تكاريان ڤه‌ وئه‌و زيانێن ب ناحيێ كه‌فيت به‌حسكرن.

ده‌رباره‌ى ڤێ سه‌ره‌دانێ سه‌رۆكێ جڤاتا قه‌زا شنگالێ (ويس نايف)ب ئێزديخان نيوز راگه‌هاند،ئيرۆ وه‌زيرێ ده‌ڤه‌رێن كوردستانى يێن ده‌رڤه‌ى هه‌رێمێ ب ياوه‌رييا شانده‌كى وه‌زاره‌تێ،سه‌ره‌دانا ناحيا سنوونێ و چيايێ شنگالێ دان و هايدارى ره‌وشا ناحيێ و ئاواره‌يان بوون.