ده‌رهێنه‌ره‌كى كورد كاره‌ساتا شنگالێ ل ئه‌يرانێ نمايش دكه‌ت
ئێزديخان نيوز:
شانۆڤان و سينه‌مه‌كاره‌كى كورد ل ئه‌يرانێ بزاڤێ دكه‌ت ب رێيا هونه‌رى هاريكارييان بۆ ئاواره‌يان كۆم ڤه بكه‌تن،ئه‌وا ب سه‌رێ شنگالێ و كۆبانێ ژى دا هاتى دێ نيشا جيهانێ ده‌ت.
ده‌رهێنه‌رێ شانۆيێ و سينه‌مايێ (فه‌رزد حه‌سه‌ن ميرزايى) دداخويانييه‌كێ دا ب ئێزديخان نيوز راگه‌هاند،ل ته‌هرانێ پايته‌ختێ ئه‌يرانێ من پێشانگه‌هه‌كا وێنێن زارۆكێن شنگالێ و كۆبانێ به‌ريا نهۆ ڤه‌كربوو،كو ئه‌ڤ وێنه زێده‌تر ل سه‌ر ژيانا زارۆكێن ئاواره ل كه‌مپان دا بوون،ئه‌وێن ل به‌رامبه‌رى سه‌رما و برسى و تينيێ و توندوتيژيێ به‌رخودان كرين.
ميرزايى گۆتژى ئه‌ڤ پێشانگه‌هه بۆماوێ هه‌فت رۆژان يا به‌رده‌وام بوو،كو خه‌لكه‌كى زۆر ژ فارس و كورد و مێڤانێن ئه‌وروپى و ئه‌مريكى وێنێن ڤان زارۆكان ديتن.
شانۆڤان و سينه‌مه‌كارێ كورد دووپاتكر،ل ئێكه‌م پێنگاڤێ دا من خواست ڤێ كاره‌ساتێ و به‌رخودانێ نيشا جيهانێ بده‌م،هه‌روه‌سا ب فرۆشتنا ڤان وێنه‌يان دراڤه‌كى بۆ زارۆكێن ئاواره كۆم بكه‌م.
