ل هه‌ياما چه‌ند رۆژێن بۆرى دا،هاريكارى كێم و ل دووڤ ئاستێ پێدڤى نه‌گه‌هشتينه ئاواره‌يێن شنگالێ يێن ل كۆمه‌لگه‌ه و سه‌نته‌رێ ناحيا سنوونێ ئاكنجى بووين،ئاواره‌يێن سه‌رێ چيايێ شنگالێ ژى داخوازا خزمه‌تكارييان دكه‌ن.
سه‌رۆكێ جڤاتا ناحيا سنوونێ(ئلياس خدر)بۆ مالپه‌رێ ئێزديخان نيوز دياركر، ئه‌و ئاواره‌يێن ل ل كۆمه‌لگه‌ه و سه‌نته‌رێ ناحيا سنوونێ ژمارا وان يا كێمه،لێ ئه‌ڤ ده‌مێ چه‌ند رۆژانه هاريكارى كێم بۆ را دئێن و نه ل ئاستێ پێدڤى دانه.
ژلايه‌كى ديڤه ژێده‌ره‌كى ژ سه‌رێ چيايێ شنگالێ ب ئێزديخان نيوز راگه‌هاند،ئاواره‌يێن ل ده‌ردۆر و سه‌رێ چيايى داخوازا خزمه‌تكاريان وه‌كى ئاڤێ و كاره‌بێ و ڤه‌كرنا قوتابخان بۆ زارۆكان دكه‌ن.
