ل به‌رده‌م باره‌گايێ ئێكه‌تيا ئه‌وروپى ئێزدى دێ خۆپيشاندانێ كه‌ن

ئێزديخان نيوز:ئه‌لمانيا

 ل ژێر دروشمێ ده‌ست ب ده‌ست و ژبۆ ب ده‌ست ڤه‌ئينانا پاراستنا نێڤ ده‌وله‌تى بۆ ده‌ڤه‌رێن ئێزديان ل عيراقێ و رزگاركرنا كچ و ژنێن ئێزديان يێن دده‌ستێ تيرۆرستێن داعش دا،ئێزديێن ل ئه‌وروپا ئاكنجى سبه‌ى دێ مه‌زنترين خۆپيشاندانا ئاشتيێ ل برۆكسلێ پايته‌ختێ به‌لچيكا ل به‌رده‌م باره‌گايێ ئێكه‌تيا ئه‌وروپى ئه‌نجام ده‌ن.

ئه‌ندامێ لژنا رێكخستنا ڤێ خۆپيشاندانێ(على عيسو)ژ ئه‌لمانيا تايبه‌ت ب مالپه‌رێ ئێزديخان نيوز راگه‌هاند،سبه‌ى 23/3 و ل به‌رده‌م باره‌گايێ ئێكه‌تيا ئه‌وروپى ئێزدى دێ خۆپيشاندانه‌كا ئاشتيێ ئه‌نجام ده‌ن،كو دێ داخوازاپاراستنا نێڤ ده‌وله‌تى بۆ ده‌ڤه‌رێن ئێزديان ل عيراقێ و رزگاركرنا كچ و ژنێن ئێزديان يێن دده‌ستێ تيرۆرستێن داعش دا كه‌ن. 

عيسو گۆتژى هه‌ر ل 26ڤێ هه‌يڤێ جڤاتا ئێمناهيا ده‌ولى دێ رونشتنه‌كێ سازده‌ت،لدۆر چاره‌نڤيسێ كێمينه‌يێن ئاينى ل عيراقێ،ئه‌ڤجا ئه‌ڤ خۆپيشاندانه‌ ل برۆكسلێ دئێته‌ ئه‌نجام دان دێ كارتێكرنا خۆ ل سه‌ر بريارا ده‌ولى هه‌بتن بۆ پاشه‌رۆژا مه‌،وه‌كو كێمينه‌يه‌كا ئاينى.

 ناڤبرى ته‌كه‌ز كر بانگه‌وازييا مه‌ بۆ هه‌موو ره‌ڤه‌ندێن ئێزديان يێن ل ئه‌وروپا پشكداريێ دڤێ خۆپيشاندانێ دا بكه‌ن،ده‌ست ب ده‌ست و ئێك ده‌نگ بن،ژبۆ هندێ كارتێكرنێ ل بريارا ده‌ولى بكه‌ين.