ئێزديێن ئه‌لمانيا بارهه‌لگره‌كا هاريكارييان ره‌وانه‌ى كوردستانێ دكه‌ن

ئێزديخان نيوز:شمال خدر

 ئێزديێن ئه‌لمانيا بارهه‌لگره‌كا مه‌زنا هاريكارييان يا پێكهاتى ژ جلكا و پێدڤيێن زارۆكان ،ره‌وانه‌ى هه‌رێما كوردستانێ كرن.

 ئه‌ندامێ لژنا سه‌رپه‌رشتا ئاواره‌يان ل دێره‌بوونێ(حه‌سه‌ن حسێن) بۆ ئێزديخان نيوز گۆت:بۆ بتر هاريكاريكرنا ئاواره‌يێن شنگالێ و ده‌شتا نه‌ينه‌وا،ئێزديێن ئه‌لمانيا بارهه‌لگره‌كا مه‌زنا هاريكارييان يا پێكهاتى ژ جلكا و پێدڤيێن زارۆكان ره‌وانه‌ى كوردستانێ كرينه‌،مه‌ژى وه‌ك لژنه‌ ئه‌ڤ هاريكارى ل سه‌ر 100خێزانێن ئاواره‌ ئه‌وێن ل گوندێن ده‌وروبه‌رێن دێره‌بوونێ دئاكنجى به‌لاڤكرن. 

ناڤبرى ئاشكه‌راكر ژى هه‌ر ژ ده‌ستپێكا ئاواره‌بوونا خه‌لكێ شنگالێ و هه‌تا نهۆ ژى ،ئێزديێن ئه‌لمانيا هيچ درێخى نه‌كريه‌ و به‌رده‌وام هاريكارييان ره‌وانه‌ى كوردستانێ دكه‌ن،كو ل سه‌ر ئاواره‌يان دئێنه‌ به‌لاڤكرن.