ل ده‌ڤه‌را بنكه‌ندى هاريكاريێن مرۆڤايه‌تى ل سه‌ر ئاواره‌يان هاتنه‌ به‌لاڤكرن

ئێزديخان نيوز:خه‌تارێ

دير سيده‌ ل ئه‌لقووشێ و سه‌ماحه‌تا ئه‌بونا جبرائيل سه‌رۆكێ گشتى يێ رهابين انتوانى يێن كلدانى ب هه‌ڤكارى دگه‌ل لژنا پێشوازيكرنا ئاواره‌يان ل ده‌ڤه‌را بنكه‌ندى،هاريكاريێن مرۆڤايه‌تى يێن جۆراو جۆر ل سه‌ر ئاواره‌يێن ئێزدى يێن ل گوندێن خه‌تارێ و سرێجكا و كۆمه‌لگه‌ها بابيرێ دئاكنجى به‌لاڤكرن.

موختارێ گوندێ خه‌تارێ و ئه‌ندامێ لژنا پێشوازيكرنا ئاواره‌يان(خالد خودێدا)بۆ ئێزديخان نيوز دياركر، دوهى 10/3هاريكاريێن مرۆڤايه‌تى ژ كه‌ره‌سته‌يێن خوارنێ و جلكان پێك دهاتن ل سه‌ر ئاواره‌يێن ئێزدى يێن ل گوندێن خه‌تارێ و سرێجكا و كۆمه‌لگه‌ها بابيرێ دئاكنجى هاتنه‌ به‌لاڤكرن. 

خودێدا گۆتژى داخوازێ ژ رێكخراوێن مرۆڤايه‌تى دكه‌م بتر گرنگيێ بده‌نه‌ ئاواره‌يێن ناوچه‌يا ئه‌لقووشێ و گوند و كۆمه‌لگه‌هێن ب سه‌رڤه‌،چنكو ئه‌و پێدڤى ڤان جۆره‌ هاريكاريێن مرۆڤايه‌تى نه‌.