بنگه‌هێ لالش دگه‌ل پارتێن ئه‌لمانى دپه‌يوه‌ندييان دايه‌ ل سه‌ر ره‌وشا ئێزديان

ئێزديخان نيوز:ئه‌لمانيا

بنگه‌هێ لالش ل ئه‌لمانيا دگه‌ل ده‌زگه‌ه و پارتێت ئه‌لمانى دپه‌يوه‌ندييان دايه‌،بۆئاگه‌هداربوونا وان ل سه‌ر ره‌وه‌شا ئێزديان و ده‌ڤه‌رێ.

به‌رپرسێ به‌شێ ره‌وشه‌نبيرى يێ بنگه‌هێ لالش ل ئه‌لمانيا(دلشاد سمۆ) بۆ ئێزديخان نيوز دياركر،ئه‌و وه‌كو بنگه‌هێ لالش خه‌لكى دبينين و په‌يوه‌نديا دگه‌ل ده‌زگه‌ه و پارتێت ئه‌لمانى دكه‌ين،داكو ئه‌و ده‌زگه‌هنه‌ ئاگه‌هدارى ره‌وشا ئێزديان و ده‌ڤه‌رێ بن.

 دلشاد سمۆ دا زانين ديسان ئه‌م كارێ گه‌هاندنا ره‌وشا ئێزديا بۆ دام و ده‌زگه‌هێت بيانى دكه‌ين ب رێيا راگه‌هاندنێ.

سمۆ خوياكرژى ئه‌و نهۆ مژوولى وه‌رگێرانا چيرۆكێن خه‌لكێ شنگالێ يه‌  ئه‌وێن ب سه‌رێ وان هاتين ده‌ما داعش شنگال ستاندى،بۆ زمانێ ئه‌لمانى داكو ببنه‌ به‌لگه‌ و بۆ پشته‌ڤانييا پێناسينا جينۆسايدا شنگالێ.