شێخ شامۆ:بنگه‌هێ لالش دێ ب هه‌موو هێزا خۆ پشته‌ڤانيا خه‌لكێ شنگال كه‌ت

ئێزديخان نيوز:دهۆك

قاره‌مانه‌كى به‌رخودانا شنگالێ سه‌ره‌دانا بنگه‌هێ لالش ل دهۆكێ كر و ژلايێ شێخ شامۆ سه‌رۆكێ ده‌سته‌يا بلندا  بنگه‌هى ڤه‌ هاته‌ پێشوازيكرن.

ل دۆر ڤێ سه‌ره‌دانێ،به‌رپرسێ راگه‌هاندنا بنگه‌هێ لالش(جعفه‌ر سمۆ) بۆ ئێزديخان نيوز گۆت: دوهى 9/2 مام قه‌وال ئێك ژ قاره‌مانێن به‌رخودانا شنگالێ سه‌ره‌دانا بنگه‌هێ لالش كر و رۆلێ بنگه‌هى بلند نرخاند،ژبۆ وێ هاريكارييا پێشكێشى ئاواره‌يان كرى و گۆت:داخواز ژ كارگێريا بنگه‌هى كرل سه‌ر ڤێ هاريكاريێ به‌رده‌وام بن هه‌تا شنگال تێته‌ ئازادكرن و خه‌لك دزڤرتێ ڤه‌.

گۆتژى ژلايێ خۆ ڤه‌ شێخ شامۆ سه‌رۆكێ ده‌سته‌يا بلندا بنگه‌هێ لالش خۆشحاليا خۆ ل هه‌مبه‌ر سه‌ره‌دانا وى ده‌ربرى و گۆت:ئه‌و قاره‌مانێن به‌ره‌ڤانى ژ شنگالێ كرى جهێ ريزگرتنێ نه‌ ب تايبه‌ت بۆ بنگه‌هێ لالش و دووپاتكر كو بنگه‌ه يێ به‌رده‌وامه‌ و دێ ب هه‌موو هێزا خۆ پشته‌ڤانيا خه‌لكێ شنگالێ كه‌ت.