بنگه‌هێ لالش گرۆپه‌ك بۆ كاروبارێن ژنێن ئێزديان دامه‌زراند

ئێزديخان نيوز:دهۆك

بنگه‌هێ لالش يێ ره‌وشه‌نبيرى و كۆمه‌لايه‌تى گرۆپێ ماك بۆ كاروبارێن ژنا ئێزدى دامه‌زراند.

به‌رپرسا گرۆپێ ماك يێ خۆبه‌خش(سوزان سفر)تايبه‌ت بۆ ئێزديخان نيوز گۆت:پشتى مه‌ ديتى ئه‌و زوولم و زۆرداريا ل سه‌ر ژنا ئێزى هاتيه‌ كرن،ژلايێ تيرۆرستێن داعش و ب هه‌زاران كچ و ژنێت ئێزدى ئاواربووين و دره‌وشه‌كا گه‌له‌ك زه‌حمه‌ت دا ژيانا خۆ دبۆرينت،ژبۆ بتر هشياركرنا وێ مه‌ ئه‌ڤ گرۆپه‌ دامه‌زراند.

 سفر گۆتژى ئه‌ڤ گرۆپه‌ يێ خۆبه‌خشه‌ و ژ20كچا پێك دئێت،كو ژ لايێ بنگه‌هێ لالش ڤه‌ ل دهۆكێ هاتيه‌ دامه‌زراندن دێ كار و خه‌باتا خۆ كه‌تن.

به‌رپرسا گرۆپێ ماك ته‌كه‌ز ژى كر كو ئه‌ڤ گرۆپه‌ يێ تايبه‌تمه‌نده‌ ب كاروبارێن ژنا ئێزدى ڤه‌ و دێ كاركه‌ت بۆ هشياركرن و پێشئێخستنا شيانێت وێ دبتريا ئاليێن ژيانێ دا،زێده‌بارى وێ چه‌ندێ دێ هه‌ول ده‌ين پشته‌ڤان بين بۆ هندێ رۆله‌كى به‌رچاڤ دئاڤاكرنا جڤاكى دا هه‌بت.

 سوزان سفر ئاماژه‌ دا وێ چه‌ندێ ژى ب هه‌موو شيانێن خۆ دێ هه‌ول ده‌ين پشته‌ڤانى و هاريكاريا وان كچێن ژ ده‌ستێن تيرۆرستين داعش رزگاربووين بكه‌ين.