ره‌ڤه‌ندا ئێزديان ل وه‌لاتێ سويدێ دگه‌ل وه‌زيرا ده‌رڤه‌يا سويدێ(ماركوت والستروم) دا،ره‌ڤه‌ندا ئێزديان ياداشتنامه‌يه‌ك يا داخوازيێن ئێزديان ل كوردستانێ و تايبه‌ت يا گرێدايى ئێش و ئازارێن وان،ژبه‌ر وێ فه‌رمانا ب سه‌رێ وان دا هاتى ژلايێ تيرۆرستێن داعش ڤه دا وه‌زيرا ناڤبرى،كو شه‌ش خالێن گرنگ ب خۆ ڤه دگرت.
سه‌باره‌ت ڤێ چاڤپێكه‌فتنێ،جه‌لال مراد ئێك ژ ئه‌ندامێن شاندێ ره‌ڤه‌ندا ئێزديان ل سويدێ تايبه‌ت بۆئێزديخان نيوز راگه‌هاند و گۆت:دڤێ چاڤپێكه‌فتنێ دا مه يا ياداشتنامه‌يه‌ك يا داخوازيێن ئێزديان ل كوردستانێ و تايبه‌ت يا گرێدايى ئێش و ئازارێن وان،ژبه‌ر وێ فه‌رمانا ب سه‌رێ وان دا هاتى ژلايێ تيرۆرستێن داعش ڤه،دا وه‌زيرا ده‌رڤه‌يا سويدێ،كو شه‌ش خالێن گرنگ ب خۆ ڤه دگرتن،ئه‌و ژى خالا ئێكێ ل سه‌ر مه‌سه‌لا جينۆسايدێ و دانپێدانا جيهانێ ب وان هێرشان و بكه‌نه جينۆسايد،ژبه‌ر وان قوربانيان و ره‌ڤاندنا كچێن ئێزديان و ده‌ستدرێژييا ل وان هاتيه كرن و زيان،زێده‌بارى ئاواره‌بوونا بترى نيڤ مليۆن ئێزدى بۆ ده‌ڤه‌رێن جودايێن ل كوردستانێ و توركيا و سوريا و ئه‌وروپا،خالا دوويێ ژى دانانا ده‌ڤه‌ره‌كا ئارام نه بتنێ بۆ ئێزديان،به‌لكو بۆ هه‌موو كێمينه‌يێن ل ده‌شتا نه‌ينه‌وا و ده‌ڤه‌را شنگالێ ب پاراستنا نێڤ ده‌وله‌تى بت،خالا سيێ ژى ل سه‌ر هنارتنا هاريكاريێن مرۆڤايه‌تى بۆ ئاواره‌يێن ئێزدى ب رێيا رێكخراوێن سويدى يێن ل كوردستانێ كار دكه‌ن،وه‌كو رێكخراوێن سيدا و قه‌نديل،هه‌روه‌سا خالا چارێ ژى ئه‌و ره‌ڤانديێن ئێزدى يێن هاتينه ئازادكرن بگه‌هنه سويدێ،ديسان خالا پێنجێ ژى ده‌رئيخستنا بريارێن نوو يێن لجويێ و دانا مافێ په‌نابه‌ره‌تيێ بۆ ئێزديێن داخوازييا وان يا لجويێ يا هاتيه ره‌تكرن،كو دێ ئێنه سويدێ،خالا دوماهيێ ژى پشته‌ڤانى و هاريكاريكرنا هێزا پاراستنا شنگالێ و دانپێدان پێ بێته دان،كو نونه‌راتيا جهه‌تا شه‌رعى يه يا به‌رڤانى ژ شنگالێ كرى دوه‌ختێن ب زه‌حمه‌ت دا.
ل رێككه‌فتى(4/2/2015)ێ شانده‌كى ره‌ڤه‌ندا ئێزديان ل سويدێ ئه‌ڤ چاڤپێكه‌فتنه دگه‌ل وه‌زيرا ده‌رڤه‌يا سويدێ ئه‌نجام دابوو.
ره‌ڤه‌ندا ئێزديان ل وه‌لاتێ سويدێ دگه‌ل وه‌زيرا ده‌رڤه‌يا سويدێ(ماركوت والستروم) دا،ره‌ڤه‌ندا ئێزديان ياداشتنامه‌يه‌ك يا داخوازيێن ئێزديان ل كوردستانێ و تايبه‌ت يا گرێدايى ئێش و ئازارێن وان،ژبه‌ر وێ فه‌رمانا ب سه‌رێ وان دا هاتى ژلايێ تيرۆرستێن داعش ڤه دا وه‌زيرا ناڤبرى،كو شه‌ش خالێن گرنگ ب خۆ ڤه دگرت. 
