التخطي إلى المحتوى الرئيسي
بحث هذه المدونة الإلكترونية
ڤيان ده‌خيل:بترى3هه‌زار ژنێن ئێزديان دره‌ڤاندينه
ئێزديخان نيوز:
په‌رله‌مانتارا ئێزدى ڤيان ده‌خيل دوهى 12/2 دكۆنگره‌كى رۆژنامه‌ڤانى دا ل فه‌رمانگه‌ها راگه‌هاندنێ يا جڤاتا نونه‌رێن عيراقێ راگه‌هاند،كو پێزانين گه‌هشتينه مه ل گرتيخانه‌كا پارێزگه‌ها مووسلێ ب ده‌هان ره‌ڤانديێن ئێزدى تێدانه و بۆ ده‌مێ هه‌فتييه‌كێ يه خوارن نه‌گه‌هشتيه وان.
دڤى كۆنگرێ رۆژنامه‌ڤانى دا ڤيان ده‌خيل به‌حسێ چه‌ند ته‌وه‌رێن گرێدايى ل سه‌ر ره‌ڤاندنا كچ و ژنێن ئێزديان يێن هه‌تا نهۆ دده‌ستێ تيرۆرستێن داعش دا ماين كر و گۆت:سه‌ركه‌فتنێن مه‌يدانى ل سه‌ر ڕێكخراوا داعش ژ لايێ له‌شكه‌رێ عيراقێ و هێزێن پێشمه‌رگه‌ى و حه‌شد ئه‌لشه‌عبى ئه‌و جهێ فه‌خر و شانازيێ نه،ئۆمێده‌وارين ژى ئه‌نجامێن باش هه‌بن بۆ مه‌سه‌لا هه‌زاره‌هان ئه‌سيرێن ئێزدى ئه‌وێن دگرتيخانێن داعش دا.
ڤيان ده‌خيل گۆتژى سه‌ره‌راى ئه‌و جهێن گرتيخانا يێن ئه‌م دپشتگۆ دهاڤێين يێن تيرۆرستێن داعش پێشلكاريێن ده‌رونى و جه‌سته‌يى ل دژى كور و كچێن مه يێن ئێزدى ئه‌نجام دده‌ن،لێ ئه‌م دزانين بتريا وان گرتيخانا دكه‌ڤنه پارێزگه‌ها مووسلێ،ئه‌م ژ هه‌والگرييا عيراقێ دپرسين ل سه‌ر رۆلێ وان ل سه‌ر ڤێ چه‌ندێ ئه‌رێ كاريه جهێ گرتنا ب هه‌زاره‌هان ملله‌تێ مه ئاشكه‌را بكه‌ن،يان ژى هه‌كه ئه‌ڤ ژنه نه دئێزدى بانه ئه‌رێ هه‌ر ئه‌ڤ بێ ده‌نگيه دێ هه‌با.
ژلايه‌كى ديڤه ده‌خيل ئاشكه‌راكر،كو پێزانين گه‌هشتينه مه ل گرتيخانه‌كا پارێزگه‌ها مووسلێ ب ده‌هان ره‌ڤانديێن ئێزدى تێدانه و بۆ ده‌مێ هه‌فتييه‌كێ يه دبت بتر ژى بت خوارن نه‌گه‌هشتيه وان و تنێ پشت به‌ستنا وان ل سه‌ر ئاڤێ و گيايێ سروشتى يه،له‌وا بانگه‌وازيێ دكه‌م بۆ رێكخراوێن جڤاكێ مه‌ده‌نى و چالاكڤانا هه‌لويستێ خۆ يێ بێ ده‌نگيێ وه‌رگرن ل هه‌مبه‌ر ڤێ تاوانێ ئه‌وا بۆ جارا ئێكێ دمێژوويا عيراقێ دا روودده‌ت،ئه‌رێ مه‌عقوله ئه‌م دچه‌رخێ بيست و ئێكێ داينه و بترى 3هه‌زار ژنێن ئێزديان دره‌ڤاندينه بێ كو ئێك خۆ ب لڤينت بۆ رزگاركرنا وان.
ڤيان ده‌خيل دووپاتكر ژى كو ئه‌و دێ يا به‌رده‌وام بت ل سه‌ر سازدانا كۆنگره‌يێن رۆژنامه‌ڤانى ب تايبه‌ت ب گه‌نج و كچ و زارۆكێن مه يێن ئه‌سير يێن دده‌ستێ داعش دا،هه‌تا كو چاره‌يه‌كێ دبينم.
