ئێزديخان نيوز:
ب مەرەما ڤەكرنا رێڤەبەریا گشتی ناسنا بارێ شارستانی (مدیریە العامە للجنسیە والاحوال المدنیە) ل قەزا شێخان، بەرێز(بشار كیكی) سەرۆكێ ئەنجوومەنا پارێزگەها میسل و هژمارەك ئەندامێ ئەنجوومەنێ ،سەرەدانا شێخان كر و ژلایێ بەرێز(اسماعیل مصطفی)قائیمقامێ قەزا شێخان ل كۆچكا قائیمقامیێ هاتنە پێشوازی كرن.
ل رونشتنەكێدا هێژا قائیمقامێ شێخان تەئكید ل سەر ئەو پرۆژێن كو بریار بوو لسەر بودجا پارێزگەها میسل بۆ شێخانێ بهێتە كرن نەهێتە ژبیر كرن و ب زویترین دەم بچیتە بوارێ جێبه‌جێ كرن، هەروسا داخواز ژ سەرۆكێ ئەنجوومەنێ كر و هژمارەك دام و دەزگەهێن میری ل شێخان ئەوێن سەر ب حكومەتا ناڤەندیە پێدڤیێن كەلوپەلێن فەرمانگەهێنە پێویستە بۆ وان بهێتە دابین كرن،هەروەسا قائیمقامێ شێخان تەئكید لسەر ئەزراقێن شێخان ئەوێن (بطاقە التموینیە) سەر ب پارێزگەها میسل ڤەیە ئەرزاقێن وان بهێتە دان و گازا سپی ژی بهێتە دان.
ل دوماهیكێ سەرۆكێ ئەنجوومەنا پارێزگەها میسل سوپاسیا جەنابێ قائیمقامێ شێخان كر، كو هاریكاریا ئاوارەیان دكەت ب بەردەوامی و سەرپەرشتیا هەمی كەمپێ دكەت و بەلێن دا ئەو پرۆژێن بۆ شێخان دەركەفتیە لسەر بودجا میسلێ نەهێتە ژبیر كرن.
راگەهاندنا قائیمقامیا قەزا شێخان
27/1/2015
