قاسم سمێر:ئه‌ره‌با خيانه‌ت ل مه‌كر

ئێزديخان نيوز:شنگال

فه‌رمانده‌يێ هێزێن پێشمه‌رگه‌ى ل چيايێ شنگالێ قاسم سمێر

فه‌رمانده‌يه‌كى هێزێن پێشمه‌رگه‌ى ل چيايێ شنگالێ راگه‌هاند،كو گوندێ گۆلات يێ ئه‌ره‌با خيانه‌ت ل مه‌ كر و هێرشكرنه‌ سه‌ر گوندێ حه‌ردان.

فه‌رمانده‌يێ هێزێن پێشمه‌رگه‌ى ل چيايێ شنگالێ(قاسم سمێر)ب ئێزديخان نيوز راگه‌هاند،كو سه‌ره‌راى ئه‌وان گوندێن ئه‌ره‌با ل شنگالێ هاريكاريا داعش كرين و زيان گه‌هاندينه‌ ئێزديان،لێ پشتى رزگاركرنا ده‌ڤه‌رێ چ ته‌عدا ل وان ئه‌ره‌بێن گوندێ گۆلات نه‌اهته‌ كرن،لێ مخابن دياره‌ هه‌ر ئه‌ره‌ب دێ مينن دوژمنێن كوردان و نكارن ب وه‌فا دانوستاندنێ دگه‌ل ملله‌تێ كورد بكه‌ن.

قاسم سمێر گۆتژى ژ گوندێ گۆلات كو ئه‌ره‌ب تێدا ئاكنجينه‌ تيرۆرستێن داعش ب هه‌مه‌ران و چه‌كێن گران هێرش كرنه‌ سه‌ر هێزێن پێشمه‌رگه‌ى ل گوندێ حه‌ردان كو نێزيكى گۆلاته‌،دئه‌نجام دا چه‌ندين پێشمه‌رگه‌ برينداربوون. 

فه‌رمانده‌يێ هێزێن پێشمه‌رگه‌ى ل چيايێ شنگالێ ته‌كه‌ز ل وێ چه‌ندێ كر كو پشتى ڤێ روودانێ ئه‌م چ جارا خيانه‌تا ئه‌ره‌با ژبير ناكه‌ين و كه‌سه‌كى ژ دوور و نێزيك ژى په‌يوه‌ندى دگه‌ل داعش دا هه‌بت دێ تۆله‌يا هه‌ر پێشمه‌رگه‌يه‌كى جانگۆرى بووى و هه‌ر كچه‌كا هاتيه‌ ره‌ڤاندن،ژێ بستينين.