خۆله‌ك ل سه‌ر كێمينه‌يێن ئاينى و نه‌ته‌وه‌يى يێن عيراقێ ل هه‌ولێرێ دئێته‌ ڤه‌كرن

ئێزديخان نيوز:هه‌ولێر

 دچارچۆڤه‌يێ خۆلا ل سه‌ر كێمينه‌يێن ئاينى و نه‌ته‌وه‌يى ل عيراقێ ئه‌وا ژلايێ رێكخراوا ئاى ئار دى يا ئه‌مريكى ڤه‌ ل هه‌ولێرێ هاتيه‌ ڤه‌كرن،رۆژنامه‌ڤانێن ئێزدى يێن پشكدار دڤێ خۆلێ دا دێ بزاڤێ كه‌ن ل گۆرى ده‌ستوورێ عيراقێ مافێ ئێزديان نه‌ئێنه‌ بنبه‌ركرن.  

 ئێك ژ پشكدارێن ڤێ خۆلێ،رۆژنامه‌ڤانێ ئێزدى صباح سمێر دياركر، دوهى 14/12خۆلا ل سه‌ر كێمينه‌يێن ئاينى و نه‌ته‌وه‌يى ل عيراقێ ئه‌وا ژلايێ رێكخراوا ئاى ئار دى يا ئه‌مريكى ڤه‌ ل هه‌ولێرێ هاتيه‌ ڤه‌كرن و دێ بۆ ماوێ سێ رۆژان ڤه‌كێشت،كو ئه‌جيندايى خۆلێ گرنگيا خۆ هه‌نه‌ و ته‌وه‌رێن وێ چه‌ندين بنه‌مايێن مافێن مرۆڤى و دميساقێ نێڤ ده‌وله‌تى و مينا ده‌ستوورى دا دئێنه‌ به‌حسكرن.

گۆتژى ده‌مێ رۆژنامه‌ڤانه‌كى ئێزدى بابه‌ته‌كى ل سه‌ر ئاريشه‌كێ بنڤيست و ب تايبه‌تى ئه‌گه‌ر هنده‌ك لايه‌نێن ياساسى تێدا هه‌بن وى ده‌مى دێ استينادێ ل سه‌ر وان به‌ندێن ده‌ستوورى كه‌ت،يێن ب ئێزديان ڤه‌ گريداى و يێن ل مه‌حافه‌لێن نێڤ ده‌وله‌تى دا هاتينه‌ راگه‌هاندن ل سه‌ر كێمينه‌يان ل عيراقێ.