التخطي إلى المحتوى الرئيسي
بحث هذه المدونة الإلكترونية
كاروبارێن ئێزديان:ئاواره‌يێن دكه‌مپ و ئاڤاهيان دا پێدڤى هاريكاريێن مرۆڤى نه
ئێزديخان نيوز:دهۆك
رێڤه‌به‌رێ رێڤه‌به‌ريا كاروبارێن ئێزديان دياركر، چار لۆريێن كه‌ل و په‌ل و پێدڤيێن زڤستانێ ژ لايێ وه‌لاتێ ئه‌لمانيا و به‌لچيكا ڤه هاتينه هنارتن،كو ژ جلكا و هاريكاريێن نۆشدارى پێكهاتينه گه‌هشتنه پارێزگه‌ها دهۆكێ،ل نێزيك ژى دێ ل سه‌ر ئاواره‌يان دا ئێنه به‌لاڤكرن.
رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ(هادى دوبانى) بۆ ئێزديخان نيوز گۆت:ئه‌ڤ كه‌ل و په‌لنه ژ لايێ كوردێن ئێزدى يێن ل وه‌لاتێ ئه‌لمانيا و به‌لچيكا ئاكنجى هاتينه كۆمكرن،كوب هه‌ڤكارى دگه‌ل رێڤه‌به‌رييا كاروبارێن ئێزديان ل وه‌زاره‌تا ئه‌وقاف و كاروبارێن ئاينى بۆ هه‌رێما كوردستانێ هاتينه ره‌وانه‌كرن،پشتى ئه‌و كه‌ل و په‌ل هه‌موو دئێنه ژێك جوداكرن دێ ل سه‌ر ئاواره‌يان يێن ل كه‌مپا و ئاڤاهيان دا ئێنه به‌لاڤكرن.
سه‌باره‌ت جۆراتييا ڤان كه‌ل و په‌لان دوبانى خوياكر،فه‌ره رێكخراو ل ده‌مێ هنارتنا كه‌ل و په‌لان بير ل هندێ بكه‌ن وان ژێك جودا بكه‌ن،ژبه‌ركو چار لۆرى نه و هه‌موو جۆرێن چه‌نتا دناڤ دانه و هه‌ر چه‌نته‌كى دا تشته‌ك هه‌يه،ژبۆ ڤێ چه‌ندێ ده‌مه‌كى درێژ دڤێت هه‌تا ئه‌و ژێك بێنه جوداكرن.
هادى دوبانى تاكيد ل وێ چه‌ندێ كر كو دڤێت رێكخراو و جڤاكێ سڤيل هاريكاريێن زێده‌تر بۆ ئاواره‌يان ره‌وانه بكه‌ن،ئه‌و ژى ئه‌و ئاواره‌يێن نهۆ دناڤ كه‌مپ و ئاڤاهيان دا پێدڤى ب هاريكاريێن زێده‌تر يێن مرۆڤى نه،ب تايبه‌ت هاريكاريێن وه‌رزێ زڤستانێ.
رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ ژ حكومه‌تا هه‌رێما كوردستانێ دخوازت دووڤچۆنه‌كا رژد بۆ وان كابينه‌يێن ژ لايێ حكومه‌تا عيراقێ ڤه هاتينه ته‌رخانكرن،كو تا نهۆ نه‌هاتينه ره‌وانه‌كرن بكه‌ن،بۆهندێ مفا ژێ بێته ديتن،چنكو هه‌تا نهۆ چاره‌نڤيسێ وان كابينه‌يان نه‌يێ دياره.
هه‌ژى گۆتنێيه رێڤه‌به‌ريا كاروبارێن ئێزديان به‌رده‌وام ب هه‌ڤكارى دگه‌ل ريكخراو و سازييان هايدارى ره‌وشا ئاواره‌يانه،كو نهۆ ژى مژوولى چه‌ندين كارێن دييه دان ئاواره‌يان دا،ديسان كار ل داتا و خرڤه‌كرنا ئه‌رشيفى و تۆماركرنا ناڤێن كچ و ژن و زارۆك و زه‌لامێن ژلايێ تيرۆرستێن داعشێ ڤه هاتينه ره‌ڤاندن دكه‌ت.
