شێخ شامۆ:به‌رده‌وام گازندێن كوردێن ئێزدى دگه‌هينمه‌ په‌رله‌مانێ كوردستانێ

ئێزديخان نيوز:دهۆك

كۆمبوونا ده‌سته‌يا بلندا بنگه‌هێ لالش

 ئيرۆ دكۆمبوونا ده‌سته‌يا بلندا بنگه‌هێ لالش دا،شێخ شامۆ سه‌رۆكێ بنگه‌هى راگه‌هاند،كو رێورسمێن جه‌ژنا رۆژيێن ئێزى نائێنه‌ گێران.

 ب ئاماده‌بوونا سه‌رۆكێن تايێن بنگه‌هێ لالش،ئيرۆ(13/12)  ل دانێ نيڤرۆ كۆمبوونا ده‌سته‌يا بلندا بنگه‌هێ لالش هاته‌ ئه‌نجام دان،كو تێدا سه‌رۆكێ بنگه‌هى شێخ شامۆ به‌حسا ره‌وشا نها يا كوردستانێ  و ئاواره‌يێن شنگالێ كر و راگه‌هاند،ژبه‌ر وێ كاره‌ساتا ب سه‌رێ ئێزديان هاتى و بارودۆخێ نهۆ كوردستان تێرا ده‌رباز دبت ئه‌ڤ ساله‌ رێورسمێن جه‌ژنا رۆژيێن ئێزى ل بنگه‌هێ لالش نائێنه‌ گێران.

دته‌وه‌ركى دى يێ كۆمبوونێ دا به‌حس ل هندێ هاته‌ كرن كو پشتى هاتنا زڤستانێ دڤێت بتر هاريكاريا ئاواره‌يێن شنگالێ بێته‌ كرن،ژلايه‌كى ديڤه‌ شێخ شامۆ گۆتژى به‌رده‌وام پێدڤى و گازندێن كوردێن ئێزدى دگه‌هينمه‌ په‌رله‌مانێ كوردستانێ.

هه‌ر دڤێ كۆمبوونێ دا سه‌رۆكێ ده‌سته‌يا بلندا بنگه‌هێ،شێخ شامۆ دووپاتكر كو ئازادكرنا شنگالێ نهۆ هيڤيا مه‌ يا سه‌ره‌كى يه‌.