ده‌زگه‌هێ خێرخوازيێ بارزانى هاريكارييان ره‌وانه‌ى چيايێ شنگالێ دكه‌ت

ئێزديخان نيوز:

ل سه‌ر راسپاردا (سه‌رۆك مه‌سعود بارزانى)سه‌رۆكێ هه‌ريما كوردستانێ و ب سه‌رپه‌رشتيا راسته‌خۆيا(مه‌سرور بارزانى)،ده‌زگه‌هێ خێرخوازيێ بارزانى 30بارهه‌لگرێن خوارنێ و كه‌ل و په‌لا و گازێ و خيڤه‌تا و دۆشه‌ك و به‌ته‌نى و پێدڤيێن دى،ره‌وانه‌ ى ئاواره‌يێن چيايێ شنگالێ دكه‌ت.

 پشتى ئازادكرنا چيايێ شنگالێ ژ لايێ هێزێن پێشمه‌رگه‌يێ كوردستانێ ڤه‌،رێيا هشكى بۆ گه‌هاندنا هاريكاريان بۆ ئاواره‌يێن چيايى هاتيه‌ ڤه‌كرن،بۆ ڤێ مه‌ره‌مێ ژى ل سه‌ر راسپاردا (سه‌رۆك مه‌سعود بارزانى)سه‌رۆكێ هه‌ريما كوردستانێ و ب سه‌رپه‌رشتيا راسته‌خۆيا(مه‌سرور بارزانى)،ده‌زگه‌هێ خێرخوازيێ مه‌زنترين هاريكاريێن مرۆڤايه‌تى ره‌وانه‌ى چيايێ شنگالێ دكه‌ت.

جێگرێ سه‌رۆكێ ده‌زگه‌هێ خێرخوازيێ بارزانى(موسا ئه‌حه‌مد)،دوهى (19/12)ب مالپه‌رێ پارتى ديموكراتى كوردستان گۆت:ل سه‌ر راسپاردا (سه‌رۆك مه‌سعود بارزانى)سه‌رۆكێ هه‌ريما كوردستانێ و ب سه‌رپه‌رشتيا راسته‌خۆيا(مه‌سرور بارزانى)،هه‌ر ژ دوهى وه‌ره‌ و هه‌تا ئيرۆ دێ مه‌زنترين كاروانێ هاريكاريێن مرۆڤايه‌تى گه‌هينه‌ چيايێ شنگالێ و ل سه‌ر ئاواره‌يێن ل چيايى دا دێ به‌لاڤ كه‌ين. 

مووسا ئه‌حمه‌د گۆتژى نهۆ رێيا هشكاتى ل سه‌ر چيايى هاتيه‌ ڤه‌كرن و هه‌موو سنور ل ژێر كۆنترۆلا هێزێن پێشمه‌رگه‌يێ كوردستانێ دايه‌،له‌وا ب ڤه‌كرنا رێ دێ هاريكاريێن زێده‌تر ره‌وانه‌ى چيايى كه‌ين.