ل ئه‌لمانيا شانده‌كێ بنگه‌هێ لالش و كۆنسلخانه‌يا ئه‌مريكى كۆمبوونه‌ك ئه‌نجام دا

ئێزديخان نيوز:ئه‌لمانيا  

شانده‌كێ بنگه‌هێ لالش ل ئه‌لمانيا سه‌ره‌دانا كۆنسلخانه‌يا ئه‌مريكى يا گشتى ل ئه‌لمانيا كر. 

دڤێ كۆمبوونێ دا شاندێ بنگه‌هێ لالش ژماره‌يه‌كا دخوازێ و پێشنياران ژ دبلۆمه‌تكارێن ئه‌مريكى كرن،ل دۆر هندێ پشته‌ڤانيا شنگالێ بێته‌ كرن ببته‌ پارێزگه‌هه‌كا سه‌ربه‌خۆ و بكه‌ڤه‌ سه‌ر حكومه‌تا هه‌رێما كوردستانێ ڤه‌،ديسان زێده‌تر هاريكاريا سه‌ربازى و لۆجستى بۆ هێزێن پێشمه‌رگه‌ى و ئێزديێن چيايێ شنگالێ بێته‌ كرن و هێرشێن ل سه‌ر داعش خورتر و زێده‌تر بكه‌ن.

ئه‌ندامێ بنگه‌هێ لالش دلشاد سمۆ بۆ ئێزديخان نيوز دياركر،مه‌ پرسيار كر ئه‌رێ بۆچى هه‌تا نهۆ ئازادكرنا ده‌ڤه‌را شنگالێ هاتيه‌ گيرۆركرن،له‌وا دڤێت كچ و كوردێن ئێزدى ژده‌ستێن تيرۆرستێن داعش بێنه‌ ئازادكرن،گۆتژى مه‌ خواست شنگال ببته‌ پارێزگه‌هه‌كا سه‌ربه‌خۆ و بكه‌ڤه‌ سه‌ر حكومه‌تا هه‌رێما كوردستانێ ڤه‌،داكو خه‌لكێ وێ مينا ده‌ڤه‌رێن ديتر بگه‌هنه‌ مافێن خۆ.

 دلشادى ئه‌و چه‌نده‌ ژى دا دياركرن،كوئه‌و خال و پێشنيارێن دكۆمبوونێ دا هاتينه‌ به‌حسكرن،كۆنسلخانه‌يا ئه‌مريكى ب گه‌رمى به‌رچاڤ وه‌رگرتن،كوژماره‌يه‌كا داخوازێ و پێشنياران بگه‌هينه‌ ئيداره‌يا ئه‌مريكى ل واشنتن.

هه‌ژى گۆتنێه‌ به‌ريا چه‌ند رۆژان شانده‌كێ بنگه‌هێ لالش ل ئه‌لمانيا سه‌ره‌دانا كۆنسلخانه‌يا ئه‌مريكى يا گشتى ل ئه‌لمانيا كربوو.