سه‌رۆك بارزانى:سه‌ركه‌فتناپێشمه‌رگه‌ى ب ديارى پێشكێشى خوشك و برايێن ئێزدى دكه‌ين

سه‌رۆكێ هه‌رێما كوردستانێ به‌رێزمه‌سعود بارزانى

ئێزديخان نيوز:

رووداو- هەولێر

مەسعود بارزانی، سەرۆكی هەرێمی كوردستان بە بۆنەی جەژنی رۆژووی ئێزیدییان پەیامێك بڵاوەدەكاتەوە و رایدەگەیێنێت،"خۆشحاڵم كە لە بۆنەی جەژنی رۆژووی ئێزدییاندا سەركەوتنی گەورەی پێشمەرگە قارەمانەكانی كوردستان بە دیاری پێشكەشی خوشك و برایانی ئێزدی دەكەین و، ئەمە شیاوترین پیرۆزباییە لەوانى دەكەین".
لە پامەكەیدا كە ئەمڕۆ هەینی 19/12/2014 بڵاویكردووەتەوە، بارزانی دەڵێت:" دەستپێكردنی ئۆپەراسیۆنی رزگاركردنی دەڤەری شنگال لە رۆژی ئاڵای كوردستان و گەیشتنی پێشمەرگە بە چیای شنگال لە 18ـی 12ـی 2014 مانای خۆی هەیە. با هەموو دوژمنان و ناحەزان بزانن ئەگەر جارێك بۆیان بڕەخسێت كینی خۆیان بەرانبەر كورد و كوردستان دەربكەن، لە كۆتاییدا باجی تاوانەكانیان دەدەن و دەبێت تیرۆریستانی داعش ببنە پەند بۆ هەموو دوژمنان".
سەبارەت بە جەژنی رۆژووی ئێزدییانیش بارزانی دەڵێت،" هیوادارم بەیەكگەییشتنی ئەم سەركەوتنە مەزنە و جەژنی رۆژووی خوشك و برایانی ئێزدی ببێتە هۆی ساڕێژبوونی برینی ئێمە و ئەو ئازیزانە و گەلی كوردستانیش لەوە دڵنیا دەكەینەوە كە سەری دوژمنان دەكەوێتە ژێر پێیان".
هەروەها لە كۆتایی پەیامەكەیدا بارزانی سڵاو بۆ گیانی شەهیدان دەنێرێت و دەڵێت،" هەزارن سڵاو لە گیانی پاكی شەهیدانی هەمیشە زیندوو. دوعای چاكبوونەوەی بە پەلەش بۆ بریندارەكان دەكەین و دەست و چاوی هەموو پێشمەرگە قارەمانەكان ماچ دەكەم كە من دەزانم چ قارەمانییەكی مەزنیان تۆماركردووە".

دەقی پەیامەكەی بارزانی:
بەناوی خودای مەزن و دلۆڤان
خۆشحاڵم كە لە بۆنەی جەژنی ڕۆژووی ئێزیدییاندا سەركەوتنی گەورەی پێشمەرگە قارەمانەكانی كوردستان بە دیاری پێشكەشی خوشك و برایانی ئێزیدی دەكەین و، ئەمە شیاوترین پیرۆزباییە لەوانی دەكەین.
دەستپێكردنی ئۆپەڕاسیۆنی ڕزگاركردنی دەڤەری شنگال لە ڕۆژی ئاڵای كوردستان و گەییشتنی پێشمەرگە بە چیای شنگال لە 18ـی 12ـی 2014 مانای خۆی هەیە. با هەموو دوژمنان و ناحەزان بزانن ئەگەر جارێك بۆیان بڕەخسێت كینی خۆیان بەرانبەر كورد و كوردستان دەربكەن، لە كۆتاییدا باجی تاوانەكانیان دەدەن و ئەبێ تیرۆریستانی داعش ببنە پەند بۆ هەموو دوژمنان.
هیوادارم بەیەكگەییشتنی ئەم سەركەوتنە مەزنە و جەژنی ڕۆژووی خوشك و برایانی ئێزیدی ببێتە هۆی ساڕێژبوونی برینی ئێمە و ئەو ئازیزانە و گەلی كوردستانیش لەوە دڵنیا دەكەین كە سەری دوژمنان دەكەوێتە ژێر پێیان.
هەزارن سڵاو لە گیانی پاكی شەهیدانی هەمیشە زیندوو. دوعای چاكبوونەوەی بە پەلەش بۆ بریندارەكان و دەست و چاوی هەموو پێشمەرگە قارەمانەكان ماچ دەكەم كە من دەزانم چ قارەمانییەكی مەزنیان تۆمار كردووە.
مسعود بارزانیسەرۆكی هەرێمی كوردستان19ـی 12ـی 2014